އެމްޓީސީސީން ޅ. ކުރެންދޫ ބަނދަރުގެ މަސައްކަތް ކުރަނީ ކުޑަ ކެޕޭސިޓީއެއްގެ އެސްކެވޭޓަރެއް ބޭނުންކޮށްގެން ކަމަށް ވިދާޅުވެ ރައީސް އަބްދުالله ޔާމީން އަބްދުލްގައްޔޫމް ފާޑުވިދާޅުވެއްޖެއެވެ.
ރައީސް ޔާމީން މިފަދައިން ވިދާޅުވެފައި ވަނީ ތިލަ އުތުރު 2025 އެވޯޑު ހަފްލާގައި ވާހަކަ ދައްކަވަމުންނެވެ.
ރައީސް ޔާމީން ވިދާޅުވީ ބަނދަރު ބޮޑުކުރުމުގެ މަސައްކަތް ފަދަ ކަންތައްތަކަށް އެންމެ ކުޑަވެގެން 3.5 ނުވަތަ 4 މީޓަރު ފުންމިނަށް ކޮނެވޭވަރުގެ އެސްކެވޭޓަރު ބޭނުންވާނެ ކަމަށެވެ.
"ކުރެންދޫ ބަނދަރަށްވީ ކިހިނެއްތޯ؟ އެމްޓީސީސީން މި ކަން މި ކުރަނީ 5 ޓަނުގެ އެސްކެވޭޓަރެއް ހިފައިގެން. ފަސް ޓަނުގެ އެސްކެވޭޓަރެއްގެ ކެޕޭސިޓީއަކީ 1 މީޓަރުގެ ފުންމިން،" ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ ރައްޔިތުންނަށް ފާޅުގައި ފާޑުކިޔަން ނުކެރޭ ނަމަ، ސިޔާސީ މީހުން އެ ވާހަކަ ދައްކާނެ ކަމަށެވެ.
ރައީސް ޔާމީން އެ މަނިކުފާނު އެވޯޑު ހަފްލާ ޝަރަފުވެރިކޮށްދެއްވަން ވަޑައިގަތީ ރައީސް މުހައްމަދު މުއިއްޒަށް އެ ހަފްލާއަށް ވަގުތު ނުދެއްވުމުން ލިބިވަޑައިގެންނެވި ދައުވަތެއްގައި ކަމަށެވެ. އެ ހަފްލާއަށް ވަޑައިނުގެން ޅ. އަތޮޅަށް ވަޑައިގެން އެ ތަނުގައި ރައްޔިތުންނަށް އޮޅުވާލައިގެން ކަންކަން ކުރައްވަމުން ގެންދަވާތީ ރަްއީސް ޔާމީން ވަނީ ވަރަށް ބޮޑަށް ފާޑުކިޔުން އަމާޒުކުރައްވާފައެވެ.
