ހއ .ދިއްދޫއަށް ކުރެއްވި ދަތުރުފުޅުގައި އެރަށުގެ ރައްޔިތުންގެ ފަރާތުން ދެއްވި މެހެމާންދާރީއަށް ރައީސް އަބްދުﷲ ޔާމީން ޝުކުރު އަދާކުރައްވައިފިއެވެ.
އެމަނިކުފާނުގެ ސޯޝަލް މީޑިޔާގައި ހިއްސާ ކުރެއްވި ޕޯސްޓުގައި ވިދާޅުވީ, "ތިލައުތުރު އެވޯޑް 2025" ހަފުލާ ޝަރަފުވެރި ކޮށްދިނުމަށް ހއ. ދިއްދޫއަށް ވަޑައިގަތުމުން، ރަށުގެ ލޮބުވެތި ރައްޔިތުން ވިދާޅުވި ހޫނު މަރުޙަބާއާއި ބޭއްވެވި ގާތްކަމާއި ދެއްވި މެހެމާންދާރީއަށް ވަރަށް ބޮޑަށް ޝުކުރު އަދާކުރައްވާ ކަމަށެވެ.
ހަމައެހެންމެ އެހާ ފުރިހަމަ ކަމާއެކު އެވޯޑު ޖަލްސާގެ އިންތިޒާމުތައް ކުރިއަށް ގެންދެވި ކަމަށްޓަކައި އަތޮޅު ކައުންސިލަށާއި އަތޮޅުގެ އެންމެހާ ލޮބުވެތި ރައްޔިތުންނަށް ވެސް އެމަނިކުފާނުވަނީ ޝުކުރު އަދާކުރައްވާފައެވެ.
ރައީސް ޔާމީން ކުރެއްވި ދަތުރުފުޅު ނިންމަވާ އެމަނިފާނު ވަނީ އަންގާރަ ދުވަހުގެ ހަވީރު މާލެ ވަޑައިގެންފައެވެ
