ސަރުކާރުން ކަރަންޓް ކެނޑުމުގެ ސިލްސިލާ ޕްރޮގްރާމްގެ ތެރެއިން މިއަދުވެސް މާލޭގެ ސަރަހައްދުތަކުން ކަރަންޓް ކަނޑާލައިފިއެވެ.
ކޮންމެ ހަފްތާއެއްގެވެސް ހަފްތާ ބަންދާއި ދިމާކޮށް މެއިންޓެއިނެންސްގެ ނަމުގައި ސްޓެލްކޯއިން އަންނަނީ ހެނދުނު ހެނދުނާ ކަރަންޓް ކަނޑަމުންނެވެ.
މިގޮތުން މިއަދު ހެނދުނު މާފަންނު އަދި މައްޗަންގޯޅީގެ ސަރަހައްދުތަކުން ހެނދުނު 06:00 އިން 06:30 އަށް ކަރަންޓް ކަނޑާލައިފައިވެއެވެ. އަދި 10:30 އިން 11:00 އަށް އެމްވީ ނެޓްވޯކް އަޕްގްރޭޑް މަސައްކަތުގެ ނަމުގައި ވަނީ ކަރަންޓް ކަނޑާލާފައެވެ.
ކަރަންޓް މައްސަލަ ވަނީ މި ސަރުކާރު ހަވާލުވުމަށްފަހު ކޮންޓްރޯލުން ނައްޓާފައެވެ.
ރައްޔިތުންގެ ޝަކުވާ އިންތިހާއަށް ކުރަމުން ދިޔަޔަސް ސަރުކާރުން މާ އެދެވޭ ސަމާލުކަމެއް ދެމުންދާ ތަނެއް ފެނިގެން ނުދެއެވެ.
ރައްޔިތުން ގަދަ ހޫނުގައި ނިދާލަން، އަރާމުކޮށްލަން ލިބޭ ވަގުތުކޮޅުގައި ސަރުކާރުން އެއްވެސް ވިސްނާލުމެއްނެތި ސަރުކާރުން މިގޮތަށް ރައްޔިތުންނަށް ކުރަމުން އަންނަ ދުއްތުރާއަށް ރައްޔިތުން އަންނަނީ ވަރަށް ކެތް ކުރަމުންނެވެ. ނަމަވެސް އިންސާނުންނަށް ކެތްވެސްވާނީ ވަރަކަށްކަން ގައިމެވެ.
