ޅުމާލޭގައި ހުންނަ ސްޓެލްކޯގެ ބާ އިންޖީނުގޭގައި ހިނގި އަލިފާނުގެ ހާދިސާއެއްގައި ފިހިގެން ނިޔާވި ހ. ސަވާ، އަހްމަދު އަޒްމީލްގެ ހަށިގަނޑު ރާއްޖެ ގެނެސް، މިރޭ އޭނާގެ ޖަނާޒާ ބޭއްވުމަށް އާއިލާއިން ނިންމާފިއެވެ.

މެއި މަހުގެ ތެރޭގައި ހުޅުމާލޭގެ ބާ އިންޖީނުގޭގެ ސްވިޗް ގިއަރަކަށް ދިމާވި މައްސަލައެއް ހައްލުކުރުމުގެ މަސައްކަތް ކުރަމުން ދަނިކޮށް ހިނގި އަލިފާނުގެ ހާދިސާއެއްގައި 43 އަހަރުގެ އަޒްމީލަށް ބޮޑެތި އަނިޔާތަކެއް ލިބިފައިވެއެވެ.

މި އަނިޔާތަކާ ގުޅިގެން އިތުރު ފަރުވާއަށް ތައިލެންޑްގެ ބެންކޮކަށް ގެންގޮސް ފަރުވާދެމުންދަނިކޮށް އޭނާ ނިޔާވެފައިވަނީ މިދިޔަ ބުރާސްފަތި ދުވަހުއެވެ.

އާއިލާގެ އެދުމުގެ މަތިން، އަޒްމީލްގެ ހަށިގަނޑު ރާއްޖެ ގެނައުމުގެ ހުރިހާ އިންތިޒާމެއް ވެސް ސްޓެލްކޯއިން ވަނީ ހަމަޖައްސާފައެވެ.

އަދި މިރޭ އިޝާ ނަމާދަށް ފަހު، ހުޅުމާލެ ސަހަރާ މިސްކިތް ނުވަތަ މަސްޖިދު ޒައިދު ބިން ޘާބިތް ގައި އޭނާގެ ޖަނާޒާ ބޭއްވުމަށް ވަނީ ހަމަޖައްސާފައެވެ.

މީގެ އިތުރުން، ވެމްކޯގެ ގއ.ދިޔަދޫ ސައިޓްގައި މަސައްކަތް ކުރަމުން ދިޔަ މުވައްޒަފަކަށް ޑީސަލް ބޮވިގެން އަންނަނީ އައިޖީއެމްއެޗްގައި ވެންޓިލޭޓަރުގައި ބާއްވާ ފަރުވާ ދެމުންނެވެ.