ރާއްޖޭގެ މަޝްހޫރު ސޯޝަލް މީޑިއާ އެކްޓިވިސްޓް ހަސަން ކުރުސީ އޭނާގެ އެކްސް އެކައުންޓްގައި 2028 ވަނަ އަހަރުގެ ރިޔާސީ އިންތިޚާބު ކާމިޔާބުކުރައްވާނެ ފަރާތަކަށް ހުޅުވާލި ޕޯލް، ޕީއެންއެފްގެ ރައީސް، ރައީސް އަބްދުﷲ ޔާމީން އަބްދުލްގައްޔޫމް ބޮޑު ތަނުން ކާމިޔާބުކޮށްފިއެވެ.
މި ޕޯލްގައި ކުރުސީ ހިމަނާފައިވަނީ ރައީސް ޔާމީނާއި، އެމްޑީޕީގެ ކެންޑިޑޭޓަކާއި މިހާރުގެ ރައީސް މުއިއްޒެވެ.
މި ޕޯލް %54 ގެ ބޮޑު މެޖޯރިޓީއަކާއި އެކު ރައީސް ޔާމީން ކާމިޔާބު ކުރެއްވިއިރު އެމަނިކުފާނުގެ ފޮޓޯއާއި ހުސްގޮނޑި ވިއްކައިގެން ވެރިކަމަށް އައި މުއިއްޒަށް ރައްޔިތުން އެންމެ &7 އާއި އެކު ބޮޑު ތަނުން ނޫނެކޭ ވަނީ ބުނެފައެވެ.
މުއިއްޒުގެ ވެރިކަމަށް ދެ އަހަރު ވެގެން ދާއިރު މުއިއްޒަށް ބޮޑު ތަނުން ނޫނެކޭ ބުނުމަކީ މުއިއްޒު ފެއިލްވެފައިވާ ކަމުގެ ބޮޑު ނިޝާނެކެވެ. ރަނގަޅު ހަރުދަނާ ސިޔާސަތުތަކެއް ތަންފީޛުކުރަން ނޭގި ގައުމު އޮތް ނިކަމެތި ހާލަތުން އެތައް ގުނައެއް މިހާރު ގައުމު ވަނީ ދަށަށް ގޮސްފައެވެ. ވެރިކަން ހިންގަން ނޭގި، ކުފޫ ހަމަނުވާ މީހުން ވުޒާރާތަކާއި އިދާރާތަކުގެ ވެރިންނަށް އައްޔަނުކޮށް ރައްޔިތުންގެ އިތުބާރު އެކުއެކީ މުއިއްޒުވަނީ ގެއްލުވާލާ ދިވެހިން ބިކަކޮށްފައެވެ.
ބްރާސްފަތި ދުވަހުގެ ރޭ ޕީއެންއެފްއިން ބޭއްވި އެ ޕާޓީގެ ގައުމީ ޖަލްސާގައި ޕީއެންއެފްގެ ރައީސް ޔާމީން ވަނީ 2028 ވަނަ އަހަރު ރިޔާސީ އިންތިޚާބުގައި އެމަނިކުފާނު ވާދަކުރައްވާނެ ކަމަށް ރަސްމީކޮށް އިއުލާންކުރައްވާފައެވެ. މިއާއި އެކު ދިވެހި ރައްޔިތުން އެދިއެދި ތިބި “ދިވެހީންގެރާއްޖެ” އެއް ލިބިގެންދާނެ ކަމުގެ އުއްމީދު ވަނީ އާވެގެން ގޮސްފައެވެ.
އެމަނިކުފާނުގެ ޒައާމަތަކަށް ދިވެހި ރައްޔިތުން އެދި ތިބިވަރު މި ޕޯލްެއިން އެކަނިވެސް ހާމަވެގެން ގޮސްފިއެވެ.
