ރައްޔިތުންގެ މަޖިލީހަށް ހުށަހަޅާފައިވާ ބޯހިޔާވަހިކަމުގެ ބިލަށް ހުށަހެޅި ހިޔާލުތަކާ ގުޅޭ ގޮތުން ކޮމިޓީން މިއަދު މަޝްވަރާކޮށްފި އެވެ.

މަޖިލީހުގެ ގެދޮރުވެރިކަމުގެ ކޮމިޓީން މިއަދު ބޭއްވި ބައްދަލުވުމުގައި މެމްބަރުން ވަނީ އާންމުންނާއި އިދާރާތަކުގެ ފަރާތުން ހުށަހަޅާފައިވާ ހިޔާލުތަކާ ގުޅޭ ގޮތުން މަޝްވަރާކޮށް، ބިލަށް ބައެއް އިސްލާހުތައް ގެންނަން ނިންމައިފަ އެވެ.

އެ ބިލަށް ހައުސިން މިނިސްޓްރީން ވެސް ހިޔާލު ހުށަހަޅަން ނިންމާފައިވާކަމަށާއި މިނިސްޓްރީން ހުށަހަޅާ ހިޔާލުތައް ކޮމިޓީއަށް ލިބޭނީ އަންނަ އަންގާރަ ދުވަހު ކަމަށް ވެސް ކޮމިޓީގައި ބުނެފައިވެއެވެ.,

ކޮމިޓީން ވަނީ އެ ބިލަށް މަޝްވަރާކުރުމަށް މިއަދު ހެނދުނާއި މެންދުރު ފަހު ވެސް ބައްދަލުވުމެއް ބާއްވައިފަ އެވެ.

ރައީސް މުހައްމަދު މުއިއްޒުގެ ސަރުކާެރުން ވެރިކަމަށް އައީ ބޯހިޔާވަހިކަން ފޯރުކޮށްދޭނެކަމުގެ ވައުދާއެކުގައެވެ. ނަމަވެސް ވެރިކަމަށް ދެ އަހަރުވީ އިރުވެސް މި ސަރުކާރުގެ އެއްވެސް ފްލެޓެއް ގޯއްޗެއްް ދީފައިނެތެވެ.