ރާއްޖޭގެ ‏އިޤްތިސޯދު އިހުނަށްވުރެ އިތުރަށް ގޯސްވީ މުއިއްޒުގެ ދޯހަޅި ސިޔާސަތުގެ ސަަބަބުން ކަމަށް ޕީއެންއެފްގެ ސެކްރަޓަރީ ޖެނެރަލް މުހައްމަދު މަލީހް ޖަމާލް ވިދާޅުވެއްޖެއެވެ.

މަލީހް އެކްސްގައި ކުރެއްވި ޕޯސްޓެއްގައި ވިދާޅުވީ ކުރީ ސަރުކާރުން ގައުމުގެ އިގްތިސާދު ބޮޑު އަދަވަޅަކަށް ވައްޓާލާފައި ކަމަށް ބުނެ މި ސަރުކާރުން ވެރިކަމަށް އައިސް ދަތުރުކުރަމުން އަންނަނީ އެއް މަގަކުން ކަމަށެވެ.

މީގެ އެންމެ ބޮޑު ސަބަބަކީ ޑީ ގްރޭޑްގެ ކެބިނެޓެއް ގޮވައިގެން މުއިއްޒު ވެރިކަން ކުރަން އުޅުން ކަމަށާއި ޑީގްރޭޑް ކެބިނެޓް ގޮވައިގެން މުއިއްޒުގެ މިސްރާބު ހުރީ އަދިވެސް ގޯސްކޮށް ކަމަށެވެ.

މާލޭގެ ރައްޔިތުންނަށްޓަކައި އެޗްޑީސީ އުވާލަންޖެހޭ ކަމަށް މުއިއްޒު ބުނެފައިވާ ލިޔުމެއް ޝެއަރ ކުރައްވާ މަލީހް ވިދާޅުވީ މިހާ ދަތި ވަގުތެއްގައި ފްލެޓްތަކަށް ނޯޓިސް ފޮނުވާ މުއިއްޒު މިކުރާކަމަކީ ކުލުނެއް ނެތް ވެރިޔަކު ކުރާނެ ކަމެއް ކަމަށެވެ.

ހުސްގޮނޑި ދައްކައިގެން ވެެރިކަމަށް އައިސް ރަނގަޅު ވެރިކަމެއްކޮށް ރައްޔިތުންގެ ތާއީދު ހޯދަން މުއިއްޒަށް އެގިވަޑައިނުގަތް ކަމަށް މަލީހް ސިފަކުރެއްވިއެވެ.