ނަސްރުގެެ ދުވަސް ހަނދާންކޮށްދެނީ މިނިވަންކަމާ އަމިއްލަ ސިޔާދަތަށް އަބަދުވެސް ފާރަވެރިވެތިބެން ޖެހޭކަންކަމަށް ޕީއެންއެފްގެ ނައިބު ރައީސް ޑރ.މުހައްމަދު ޖަމީލް އަހުމަދު ވިދާޅުވެއްްޖެއެވެ.
ޑރ.ޖަމީލް މިފަދައިން ވިދާޅުވެފައިވަނީ ނަސްރުގެ ދުވަހާއި ގުޅިގެން އެކްސް އެކައުންޓުގައި ކުރެއްވި ޕޯސްޓެއްގައެވެ.
ޑރ.ޖަމީލް ވިދާޅުވީ މިނިވަންކަމާ އަމިއްލަ ސިޔާދަތަށް އަބަދުވެސް ފާރަވެރިވެތިބެން ޖެހޭކަން ނަސްރުގެ ދުވަސް ހަނދާންކޮށްދޭކަމަށެވެ.
ގައުމުގެ ފަޚުރުވެރި ދަރިން ގައުމަށްޓަކައިވިމަތިވެރި ގުރުބާނީގެ އަގު އަބަދުވެސް ވަޒަންކުރަންޖެހޭކަމަށް ވެސް ޑރ.ޖަމީލްގެ ޕޯސްޓްގައި ވަނީ ފާހަގަކުރައްވާފައެވެ.
މީގެއިތުރުން ޑރ. ޖަމީލް ވަނީ އެ ފުރާނަތަކަށް ސުވަރުގޭގެ މަތިވެރި ނިޢުމަތް މިންވަރު ކުރެއްވުމަށް އެދި ދުއާ ދަންނަވާފައެވެ.
މިއަދު ނަސްރުގެ ދުވަސް ފާހަގަކުރަނީ، 1988 ވަނަ އަހަރުގެ ނޮވެމްބަރު 3 ވަނަ ދުވަހު، ދިވެހީންގެ ބަޔަކާ ގުޅިގެން ސްރީ ލަންކާގެ ތަމަޅަ ހަނގުރާމަވެރިންގެ ގްރޫޕަކުން ރާއްޖެއަށް ދިން ހަމަލާ ނާކާމިޔާބުވެ، ދިވެހިންނަށް ލިބުނު ނަސްރުގެ ހަނދާން އާކުރުމަށެވެ.
