ޕީޕަލްސް ނެޝަނަލް ކޮންގްރެސް (ޕީއެންސީ) ސަރުކާރަށް ދެ އަހަރު ފުރުން ފާހަގަކުރުމަށް ބާއްވާ ޖަލްސާއަށް ރައްޔިތުންގެ މަޖިލީހުގެ ކޮންމެ ޕީއެންސީ މެމްބަރަކު ސަތޭކައަށްވުރެ ގިނަ މީހުން ގެނެއުމަށް އަންގައިފިއެވެ.

ތޭރައޮންލައިނަށް މައުލޫމާތު ދިން ފަރާތަކުން ބުނީ މިކަން ސަރުކާރުން ކުރަނީ ކޮންމެ ރަށެއްގައި ވެސް ފެނަކަ އޮފީހަށް ސިޓީއެއް ފޮނުވައިގެން އެ އޮފީހުގައި މަސައްކަތް ކުރާ މުވައްޒަފުންގެ މައުލޫމާތު ހޯދަައިގެންކަމަށާއި އެކަން ކުރަނީ އެ ފަރާތްތަކުން ޕީއެންސީން ބާއްވާ ޖަލްސާއަށް ހާޒިރުވިތޯ ބެލުމަށް ހާޒިރީ މާކު ކުރުމުގެ ބޭނުމުގައިކަމަށެވެ.

ފެނަކައިގެ އިތުރުން ވެސް ކޯޓުތަކާއި ރަށްރަށުގެ އެހެން އިދާރާތަކުގައި މަސައްކަތް ކުރާ މުވައްޒަފުންނަށް މަޖުބޫރުކޮށްގެން ވަޒީފާގެ ބިރު ދައްކައިގެން ޖަލްސާއަށް ހާޒިރުކުރާނެކަމަށް އެ ފަރާތުން ވަނީ މައުލޫމާތު ދީފައެވެ.

އެކަން އެގޮތަށް ކުރަން އެންގެވީ ރައީސް މުހައްމަދު މުއިއްޒު ކަމަށާއި އެކަން ކުރަނީ ސަރުކާރަށް އޮތް ތާއިދު ހާމަކުރުމަށްކަމަށް ވަނީ މައުލޫމާތު ލިބިފައެވެެ.

ރައީސް އަބްދުالله ޔާމީން އަބްދުލްގައްޔޫމް ބާއްވަވާ ޖަލްސާތަކަށް ހާޒިރުވާ މީހުންގެ އަދަދު ގިނަވެފައިވާތީ ސަރުކާރަށް ހަޖަމްނުވެގެން މީހުންނަށް މަޖުބޫރު ކުރުވައިގެން ޖަލްސާއަށް ހާޒިރުކޮށް ހާޒިރީ ބަލަން ވަނީ ނިންމާފައެވެ.