އިލެކްޝަންސް ކޮމިޝަންގައި ރެޖިސްޓާރ ކުރިވެިފައިވާ 9 ޕާޓީގެ ތެރެއިން ޤާނޫނުގައި ބަޔާންކުރާ ޢަދަދަށް މެންބަރުން ހަމަވާ 5 ޕާޓިއަށް ފައިސާދިން އިރު ވެރިކަން ކުރާ ޕާޓީ، ޕީޕަލްސް ނޭޝަނަލް ފްރަންޓް، ޕީއެންސީއަށޤ 13 މިލިއަން ރުފިޔާ ދީފިއެވެ.
އިލެކްޝަންސް ކޮމިޝަނުން ހާމަކޮށްފައިވާގޮތުގައި އެ ކޮމިޝަނުން ވަނީ ޖުމްލަ 27 މިލިއަން ރުފިޔާ ސިޔާސީ ޕާޓީތަކަށް ދީފައިއެވެ.
މީގެ ތެރެއިން 13 މިލިއަން ރުފިޔާ ވެރިކަން ކުރާ ޕީއެންސީއަށް ދީފައިވާއިރު އިދިކޮޅު އެމްޑީޕީއަށް ލިބިފައި މިވަނީ 8 މިލިއަން ރުފިޔާއެވެ.
ސިޔާސީ ޕާޓީގެ ޤާނޫނުގައި ބަޔާންކުރާގޮތުގައި ސިޔާސީ ޕާޓީ ހިންގުމަށް ދައުލަތުގެ ބަޖެޓުން ދޫކުރާ ފައިސާއަކީ، ދައުލަތުގެ އަހަރީ ބަޖެޓުގައި އެ އަހަރަކަށް ލަފާކުރާ އާމްދަނީގެ %0.1 އަށްވާ ފައިސާއެވެ. ނިމިދިޔަ އަހަރުގެ ޑިސެމްބަރު މަހުގެ 31 ވަނަ ދުވަހުގެ ނިޔަލަށް އެ ޕާޓީއެއްގައި 10،000 މެމްބަރުން ހަމަވެފައިވާ ޕާޓީތަކަށް މި ފައިސާ ވަނީ ދެވިފައިކަމަށް އެ ކޮމިޝަނުން ވަނީ ހާމަކޮށްފައިއެވެ.
މިވަގުތު ރާއްޖޭގައި އެންމެ މެމްބަރުން ގިނަ ޕާޓީގެ ގޮތުގައި ވެރިކަން ކުރާ ޕާތީ ޕީއެންސީ އޮތް ސަބަބަކީ އެ ޕާޓީއިން ވެރިކަމަށް އައުމުގެ ކުރިން ވީ ދޮގު ވައުދުތަކުގައި މައުސޫމު ރައްޔިތުން ހައްލުވާ އެ ޕާޓީއަށް ރައްޔިތުން ލައްވާ ސޮއި ކުރުވުމުންކަން މިއީ ޝައްކެއްނެތް ކަމެކެވެ.
