މިރޭ ޕީއެންސީ ސަރުކާރަށް ދެ އަހަރުވުން ފާހަގަކުރުމުގެ ގޮތުން ބާއްވާ ޖަލްސާއަށް ރައީސް އަބްދުالله ޔާމީން އަބްދުލްގައްޔޫމްގެ ހުސް ގޮނޑި ނެރެފިއެވެ.

ރައީސް ޔާމީންގެ ގެ ކޮޅުގެ ބެލްކަނީގައި ވަނީ ފިޔާތޮށި ކުލައިގެ ހުސް ގޮނޑި އެއް ބަހައްޓާފައެވެ.

2023 ވަނަ އަހަރުގެ ރިޔާސީ އިންތިޚާބުގެ ކެމްޕެއިނުގައި އޮތް ހުރިހާ ޖަލްސާއެއްގައި އޭރު ހުރަގޭގައި ހުންނެވި ރައީސް ޔާމީންގެ ހުސް ގޮނޑި ބެހެއްޓިއެވެ.

މިހާރު ރައީސް މުއިއްޒު އުވާލާފައިވާ ޕީޕީއެމްގެ ކުލައިން އޭރު ރައީސް ޔާމީންގެ ހުސް ގޮނޑި ބަހައްޓައިގެން ހޯދި ވެރިކަމުގައި އެމަނިކުފާނު އެކެހެރިކޮށްލިއެވެ.

ރައީސް މުއިއްޒުގެ ސަރުކާރުން ދެ އަހަރުވުން ފާހަގަކުރުމަށް ސަރުކާރު ކުންފުނިތަކުގައި މަސައްކަތް ކުރާ މުވައްޒަފުން ނެރެ ބޮޑު ޖަލްސާ ވަނީ ފަށާފައެވެ.

ރަަށްރަށުން މީހުން ގެނެއީ ސަރުކާރުގެ ފައިސާއިންކަމަށާއި ފްލައިޓް ޗާޓަރކޮށް, އެމްޓީސީސީ ބަސްތައް ވެސް ބުކްކޮށްގެންކަމަށް މައުލޫމާތު ލިބިފައިވެއެވެ.