ޕީވީސީ ޕާޓީއިން ޖަލްސާއެއް ރައްޔިތުން އެއްކޮށް ބޭއްވީ ދައުލަތުގެ ފައިސާއިން ކަމަށް ތުހުމަތުކުރައްވާ އެކަން މުއައްސަސާތަކުން ބަލަން ޖެހޭނެ ކަމަށް ޕީޕަލްސް ނެޝަނަލް ފްރޮންޓު (ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު އެފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
މަލީހު ވިދާޅުވި ގޮތުގައި ޕީވީސީ ޕާޓީއިން 120 މިލިއަން ރުފިޔާ ޚަރަދުކޮށްގެން ޖަލްސާ އެއް ބޭއްވީ ޕާޓީގެ އެކައުންޓުން ފައިސާ ޚަރަދުނުކޮށް ކަމަށާ އެހެންކަމުން އިލެކްޝަން ކޮމިޝަން، އެންޓި ކޮރަޕްޝަން ކޮމިޝަން އަދި އޮޑިޓު އޮފީހުން ވެސް އެކަން ހިނގާ ދިޔަ ގޮތް ބަލަން ޖެހޭ ކަމަށް މަލީހު ވަނީ ވިދާޅުވެފައެވެ.
އެ މައްސަލަ ނުބަލައި ތިބުމަކީ ގައުމު ލޫޓުވުމުގައި ޕީވީސީ ޕާޓީއިން ހިންގަމުންދާ ޖަރީމާގައި ބައިވެރިވުން ކަމަށް ވެސް މަލީހު ވަނީ ވިދާޅުވެފައެވެ.
