ރައިސް ޑރ. މުހައްމަދު މުއިއްޒު އެމަނިކުފާނުގެ ގޮނޑިކޮޅުގަ ހަރުނުލައްވަނީ ކީއްވެތޯ ރައީސް އަބްދުالله ޔާމީން އަބްދުލްގައްޔޫމް ސުވާލު އުފައްދަވައިފިއެވެ.
ޕީއެންއެފްގެ ފްރޮންޓް އޮފީސް ޖަލްސާގައި ވާހަކަ ދައްކަވަމުން ރައީސް ޔާމީން ވަނީ ރައިސް މުއިއްޒު އެމަނިކުފާނުގެ އޮފީހުގައި އިންނަވާ ގޮނޑިކޮޅުގަ ހަރުނުލައްވަނީ ކީއްވެގެންތޯ ސުވާލު އުފައްދަވާފައެވެ. އަދި މި ގޮނޑީގައި ހަރުނުލައްވަނީ ގޮނޑިކޮޅު ހޫނުކަމުންތޯވެސް ރައިސް ވަނީ ސުވާލު އުފައްދަވާފައެވެ.
ރައިސް ޔާމީން މިފަދައިން ސުވާލު އުފައްދަވާފަ ވަނީ، ރާއްޖޭގެ އެކި ކަންކޮޅު ތަކުގައި އޭޓިއެމްތަކާއި ފުޓްސަލް ދަނޑުތައް ހުޅުއްވައިދެއްވުމަށް މުއިއްޒު އެ ރަށްރަށަަށް ދުރުވާތީ އެކަމާ ގުޅުއްވައިގެންނެވެ.
އެމަނިކުފާނު ވިދާޅުވީ ރައިސް ކަމުގެ މަގާމާއި، އެ ގޮނޑިކޮޅާއެކު، ރައްޔިތުންނަށް އަދާކުރައްވަން ޖެހޭ ޒިންމާވެސް އަންނަކަމަށެވެ.
މިފަދަ ކުދި ފަންތީގެ މަޝްރޫއުތައް ހުޅުއްވައިދިނުމަށް ރައީސް ދުރުވަން ޖެހުމަކީ މި ސަރުކާރުން މިއަށް ވުރެން ބޮޑެތި ޕްރޮޖެކްޓުތައް ކުރިއަށް ނުގެންދެވޭ ކަމުގެ ހެއްކެކެވެ. ރައިސް ގޮނޑީގައި ހަރުނުލާ ކަމަކީ ރައްޔިތުންނަށް އަދާކޮށްދޭން ޖެހޭ ޖިންމާތައް ފުރިހަމައަށް އަދާ ނުވާ ކަމުގެ ހެއްކެއްކަން ފާހަގަކޮށްލެވެއެވެ.
