އެމަނިކުފާނަކީ ވައުދުވެވަޑައިގެންފައި، ދޮގު ހަދައި އޮޅުވާލާނެ ބޭފުޅެއް ނޫން ކަމަށް ރައީސް ޑރ. މުހައްމަދު މުއިއްޒު ވިދާޅުވެ އިތުރުފުޅުިހައްދަވައިފިއެވެ.

އެމަނިކުފާނު މިފަދައިން ވިދާޅުވީ ރ އަތޮޅުގެ ދުވާފަރަށް ވަޑައިގެން އެ ރަށުގެ ރައްޔިތުންނާ ވާހަކަދައްކަވަމުންނެވެ.

އެގޮތުން އެ މަނިކުފާނު ވިދާޅުވީ ދޮގު ހެދުމަކީ އެމަނިކުފާނު ކުރައްވާނެ ކަމެއް ނޫން ކަމަށެވެ. އަދި އެހެން މީހުން ކުރާ މަސައްކަތަކީ ދޮގު ހަދައިގެން އެމަނިކުފާނު ދައްކަވާ ވާހަކަ ޓުވިސްޓު ކުރުން ކަމަށް ވެސް އެމަނިކުފާނު ވިދާޅުވިއެވެ.

އޭގެއިތުރުންވެސް އެމަނިކުފާނު ވިދާޅުވީ އިދިކޮޅު ފަރާތްތަކުން އެމަނިކުފާނުގެ އަގު ވައްޓާލުމަށްޓަކައި ދޮގު ވާހަކަތައް ފަތުރަނީކަމަށެވެ.

އެމަނިކުފާނަކީ އެއްވެސް އިރެއްގައި ދޮގު ހެއްދެވި ފަރާތަކަށް ނުވާނެކަމަށް ވިދާޅުވަމުން ގެންދަވާ އިރު ނިމިދިޔަ ރިޔާސީ އިންތިޚާބްގެ ކެމްޕެއިން ދުވަސްވަރު އެމަނިކުފާނު ވަނީ ރައީސް އަބްދުﷲ ޔާމީން އަބްދުލްގައްޔޫމް މިނިވަން ކުރައްވާނެކަމަށް ވިދާޅުވެ ވާހަކަތަކެއް ދައްކުވައި ރައީސް ޔާމީންގެ ސަޕޯޓަރުންނަށް އޮޅުވާލާފައެވެ.

ވެރިކަމަށް އައުމަށްޓަކައި ރައީސް ޔާމީންގެ ހުސް ގޮނޑި އާއި އެމަނިކުފާނުގެ ފޮޓޯ ދައްކާ، އެމަނިކުފާނުގެ ތަރައްގީ ވިއްކާފައެވެ. ވެރިކަމަށް އައުމަށް ރައީސް ޔާމީން މިނިވަން ކޮށްފއިނުވެއެވެ.

20 ވަނަ ރައްޔިތުންގެ މަޖިލިސް އިންތިޚާބަށް މިހާރު އަތޮޅު ތަކަށް ކުރައްވަމުން ގެންދަވާ ކެމްޕެއިން ދަތުރުފުޅުތަކުގައި އެމަނިކުފާނު އަންނަނީ އެކި އެކި ވާހަކަތައް ދައްކަވާ އިތުރުފުޅު ހައްދަވަމުންނެވެ.