ރައީސް ޑރ މުހައްމަދު މުއިއްޒަށާ އަރިސް ބޭފުޅުންނަށް ވެސް މިނޫން ދުވަހެއް އޮތްކަން ހަނދާންވާ ނަމަ ދައުލަތުގެ ބައިތުލްމާލަށާ ރައްޔިތުންގެ ފައިސާއަށް އަމާނާތްތެރިވާނެ ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

އެކްސްގައި ކުރެއްވި ޕޯސްޓެއްގައި މަލީހު ވަނީ ކުރު އެހެން ނަމަވެސް މާނަ ފުން ބަސްކޮޅަކުން ސަރުކާރުގެ އިސްވެރިންގެ އަމަލުތަކަށް ނަޒަރު ހިންގަވާލައްވާ ކަންބޮޑުވުން ފާޅުކުރައްވާފައެވެ.

އެގޮތުން އަދިގެ ސަރުކާރުގެވެރިންގެ ގޮތުގައި ތިއްބެވި ބޭފުޅުން ކަމުގައިވާ ރައީސް މުއިއްޒާ އަދި ސަރުކާރުގެ ތެރެއިން ވެސް "ތަހުޒީބުވަންތަ"ކަން ނުފެންނަ ކަމަށް ވިދާޅުވެ މަލީހު ވަނީ "މާދަމާ ފެންނަ" ( މި ނޫން ދުވަހެއް އޮތްކަން ހަނދާންވާ) ނަމަ އެބޭފުޅުން މިއަދު ދައުލަތުގެ ބައިތުލް މާލަށް ސަމާލުވާނެ ކަމަށް ވިދާޅުވެފައެވެ.

މަލީހު އިތުރަށް ވިދާޅުވި، މާސިންގާ ފުން ވަޅުގަނޑަކަށް ސޮއްސާލަމުން ރައީސް މުއިއްޒާ ދައުލތުގެ އެހެނިހެން އިސްވެރިންވެސް ގެންދަނީ އަމިއްލަ އިޚްތިޔާރުގައި ކަމަށެވެ.

މަލީހު މިފަދައިން ވިދާޅުވެފައި މިވަނީ ސަރުޚާރުގެ ތެރެއިން ބޮޑެތި ވައްކަމާ ކޮރަޕްޝަންގެ ހުތުރު އަމަލުތައް ހާމަކަން ބޮޑުކޮށް ވެރިން ހިންގަމުންދާއިރު ވެސް އެއިން މައްސަލައެއް ނުބަލާ ކަމާ ގުޅުން ހުރި އިދާރާތަކުން ހަނު ތިބޭ ކަމަށް ގިނަ ބަޔަކު ތުހުމަތުކުރާ ދަނޑިވަޅެއްގައެވެ.