ބްރިޖާ ގުޅިފައި އޮންނަ ހައިވޭގައި މއިަދު ހެނދުނު ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން ބުނީ މި އެކްސިޑެންޓް ހިނގިކަމުގެ މައުލޫމާތު ލިބުނީ 09:00 ގައި ކަމަށެވެ. އެކްސިޑެންޓް ހިނގާފައިވަނީ ހުޅުމާލެއަށް އަރަންދާ 4 ލޭނު ނިމޭހިސާބުގައި ސައިކަލަކާއި ޕިކަޕެއް ޖެހިގެންނެވެ.
ފުލުހުން ބުނީ މި އެކްސިޑެންޓްގައި ސައިކަލް ދުއްވަން އިން 28 އަހަރުގެ ދިވެހި ފިރިހެންމީހާގެ ކޮނޑުހުޅު ނެއްޓި އެކިކަހަލަ އަނިޔާތައް ލިބިފައިވާކަމަށެވެ.
އަދި ސައިކަލްގައި އިން އިންޑިއާއަށް ނިސްބަތްވާ 22 އަހަރުގެ އަންހެންމީހާގެ ގައިގެ އެކި ތަންތަން މަށައިގެންގޮސް އެކިވަރުގެ އަނިޔާތައް ލިބިފައިވާކަމަށް ފުލުހުން ބުންޏެވެ.
އަނިޔާވި މީހުންނަށް މިހާރު ފަރުވާ ދެމުން އަންނައިރު މި މައްސަލަ ތަހުގީގު ކުރަމުން އަންނަކަމަށް ފުލުހުން ބުނެއެވެ.
