theyra online
ހަބަރު
ސިޔާސީ
ވިޔަފާރި
ދުނިޔެ
ރިޕޯޓު
ވީޑިއޯ
ފޮޓޯ
Theme
Copyright © 2013-2025 Media Ring Pvt Ltd.
All rights reserved
ޑރ. ޖަމީލް / ޕީޕީއެމް
ސިޔާސީ
ރާއްޖޭގައި މިހާރު އޮތީ "މުއިއްޒު ޤާނޫނު": ޑރ ޖަމީލް
Aiminath Zawjah
އައިމިނަތް ޒަޢުޖާ
30 ނޮވެމްބަރު 2025
މާލެ ސިޓީ

ޕީޕަލްސް ނޭޝަނަލް ފްރޮންޓްގެ ނައިބު ރައީސް އަދި މަޝްހޫރު ގާނޫނީ ވަކީލު ޑރ. މުޙައްމަދު ޖަމީލް އަޙްމަދު، މި ސަރުކާރުން ގާނޫނުގެ ވެރިކަން ކުރުމުގައި ދައްކަމުންދާ ކަންކަމަށް ފާޑުވިދާޅުވެ، ރާއްޖޭގައި މިހާރު އޮތީ "މުއިއްޒު ގާނޫނު" ކަމަށް ތުހުމަތު ކުރައްވައިފިއެވެ.

އެކްސް ގައި ކުރެއްވި ޕޯސްޓެއްގައި ޑރ. ޖަމީލް ވަނީ، ކޮރަޕްޝަންގެ ތުހުމަތު ކުރެވޭ ފަރާތްތަކަށް ރާއްޖޭގައި ދެވޭ އިމްތިޔާޒުތަކާއި، މެލޭޝިއާގައި ހިނގާފައިވާ ކަންކަމުގެ މިސާލެއް ސިފަކޮށް އަޅާ ކިޔާފައެވެ.

ޑރ. ޖަމީލް ފާހަގަކުރެއްވި ގޮތުގައި، މެލޭޝިއާގެ ބޮޑުވަޒީރު އަންވަރު އިބްރާހިމްގެ އެންމެ އަރިސް ޕޮލިޓިކަލް ސެކްރެޓަރީ ވަނީ ކޮރަޕްޝަނުގެ ތުހުމަތުގައި މަގާމުން އިސްތިއުފާދީ އެ ގައުމުގެ އެންޓި ކޮރަޕްޝަން ކޮމިޝަނަށް ޙާޟިރުކުރެވިފައެވެ. މިއީ ގާނޫނުގެ ވެރިކަން ހިންގާ ގައުމުތަކުގައި ފެންނަ ރަނގަޅު މިސާލެއް ކަމަށް ޑރ. ޖަމީލް ދެކެވަޑައިގަންނަވާ ކަމަށް ފާހަގަކޮށްފައިވެއެވެ.

ނަމަވެސް، ރާއްޖޭގެ މިހާރުގެ ޙާލަތާ އެކަން އަޅުވައި ބައްލަވަމުން ޑރ. ޖަމީލް ވިދާޅުވެފައިވަނީ، ތަފާތަކީ ރާއްޖޭގައި ރައީސް މުޢިއްޒުގެ އަރިސް ބޭފުޅުން ކަމަށްވާ ފަޒުލް، ބޯފަން އަބްލޯ، މުޢާޒް، ވަޖީހުގެ އިތުރުން ފަލާޙް އަދި ޝުޖާއު ފަދަ ބޭފުޅުން ވަނީ ކޮރަޕްޝަންގެ މައްސަލަތައް ފެންމަތިވުމާއިއެކު "އެތެރެކޮއިލަށް" ވައްދާފައި ކަމަށެވެ. އަދި ރާއްޖޭގައި ގާނޫނުގެ ވެރިކަމެއް ނެތް ކަމަށާއި، އޮތީ "މުއިއްޒު ގާނޫނު" ކަމަށް ޑރ ޖަމީލް ވަނީ ތުހުމަތު ކުރައްވާފައެވެ.

މީގެ އިތުރުން ޑރ. ޖަމީލް ވަނީ، ރައްޔިތުން އެދޭ ގޮތަށް، ދެން އުފެދޭ ވެރިކަމެއްގައި ތަފާތު ކުރުމެއް ނެތި، ވެރިމީހާގެ ބިއްދޮށަށް ވަދެ ފިލާތިބި މިފަދަ ފަރާތްތަކުގެ މައްޗަށް ގާނޫނު ހިންގުމަށް ގޮވާލައްވާފައެވެ. މިކަމަކީ ރައްޔިތުން މިހާރުވެސް އެދެމުންދާ ކަމެއް ކަމަށް ޖަމީލްގެ ޕޯސްޓްގައި ފާހަގަކުރައްވާފައިވެއެވެ. ޑރ. ޖަމީލްގެ މި ބަސްފުޅުތަކުން ސަރުކާރާއި، ގާނޫނު ތަންފީޒުކުރާ މުއައްސަސާތަކަށް ބޮޑެތި ސުވާލުތަކެއް އުފެދިގެން ގޮސްފައިވެއެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved