ރާއްޖޭގައި މިހާރު ގާނޫނު ނުހިނގާކަމަށް ވިދާޅުވެ ޕީއެންއެފްގެ ނައިބު ރައީސް ޑރ.މުހައްމަދު ޖަމީލް އަހުމަދު ރައީސް މުހައްމަދު މުއިއްޒުގެ ސަރުކާރަށް ފާޑުވިދާޅުވެއްޖެއެވެ.

ޑރ. ޖަމީލް މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.

ޑރ.ޖަމީލް ވަނީ މެލޭޝިއާގެ ބޮޑުވަޒީރު އަންވަރު އިބްރާހިމްގެ އެންމެ އަރިސް ޕޮލިޓިކަލް ސެކްރެޓަރީ އޭނާގެ މަގާމުން އިސްތިއުފާ ދިނުމަށްފަހު އެންޓި ކޮރަޕްޝަން ކޮމިޝަނަށް ހާޒިރުކުރި ވާހަކަ ފާހަގަކުރައްވާފަައެވެ.

ރައީސް މުއިއްޒުގެ އަރިހުގައި ތިއްބެވި ފަޒުލް ރަޝީދު، މަދަނީ އަބްދުالله، މުޢާޒް ރަޝީދު އެމްޕީއެލް ވަޖީހުގެ އިތުރުން ޕީޖީ ލީޑަރު ފަލާޙް އަދި ބާރަށު ދާއިރާގެ މެމްބަރު ޝުޖާއު ވެއްދީ އެތެރެކޮއިލަށްކަމަށް ވިދާޅުވެ ޑރ.ޖަމީލް ވަނީ ފާޑުވިދާޅުވެފައެވެ.

މިއަދު ރާއްޖޭގައި ގާނޫނުގެ ވެރިކަމެއް ނެތްކަމަށާއި އޮތީ މުއިއްޒު ގާނޫނުކަމަށް ވެސް ޕޯސްޓުގައި ޑރ.ޖަމީލް ފާހަގަކުރެެއްވިއެވެ.

ޑރ.ޖަމީލް ވިދާޅުވީ ދެން އުފެދޭ ވެރިކަމެއްގައި ތަފާތު ކުރުމެއް ނެތި ވެރިމީހާގެ ބިއްދޮށަށް ވަދެ ފިލާތިބި މީސްމީހުންގެ މައްޗަށް ގާނޫނު ހިންގަން ރައްޔިތުން މިއަދު އެދެމުން އަންނަކަމަށެވެ.