ސަރުކާރުގެ ކުންފުނިތަކަށް ރިސޯޓު ހެދޭ އިސްލާހާ ގުޅިގެން ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ކަންބޮޑުވުން ފާޅުކޮށްފިއެވެ.
އެކްސްގައި ކުރެއްވި ޕޯސްޓެއްގައި މަލީހު ވިދާޅުވީ، މިއީ ދިވެހި ރައްޖޭގެ "ތެޔޮ" ޓުއަރިޒަމްއިން ވައްކަން ކުރަން ހުޅުވި ބޮޑު ގޭޓެއްކަމަށެވެ.
އަދި މިކަމަށް ބަދަލު ނުގެނެސްފި ނަމަ ރާއްޖޭގައި އެންމެ ފަޅުރަށެއްވެސް މި ސަރުކާރުން ނުބާއްވާނެކަމަށް މަލީހު ފާހަގަކުރެއްވިއެވެ. އަދި ފުރަތަމަ ދޭނީ ސަރުކާރު ކުންފުނިތަކަށް ކަމަށާއި ދެން އެކުންފުނިން ރަށް ނުވަތަ ރިސޯޓު ވިއްކާލާނީ ބޭނުންވާ މީހާއަށް ކަމަށްވެސް މަލީހު ވިދާޅުވިއެވެ.
އަދި މި ފައިސާއިން ކަޓު ލިބޭނީ ސަރުކާރު ބޮޑުންނަށްކަމަށްވެސް މަލީހު ފާހަގަކުރެއްވިއެވެ.
މި ސަރުކާރުން މިވަނީ ސަރުކާރުގެ 45 އިންސައްތަ އޮންނަ ކުންފުނިތަކަށް ރިސޯޓު ހެދުމަށް ރަށް، ބިން ނުވަތަ ފަޅު ދޫކުރެވޭ އިސްލާހު ފާށްކޮށްފައިއެވެ. މިކަމާމެދު ގިނަ ފަރާތްތަކެއް އަންނަނީ ކަންބޮޑުވުން ފާޅުކުރަމުންނެވެ.
