ވާނުވާ ބަންދުގެ މައްސަލަ ހައްލުނުކޮށް ވެރިކަމުގައި ހުންނެވިއިރު ރައީސް އަބްދުﷲ ޔާމީން "އިންނެވީ ތާސްކުޅެން" ކަމަށް ބާރަށު ދާއިރާގެ މެމްބަރު އިބްރާހިމް ޝުޖާއު ބުނެފައިވާ ބުނުމަށް ރައީސް ޔާމީންގެ ވަރުގަދަ ރައްދެއް އަމާޒުކުރައްވަފިއެވެ.

ޕީއެންއެފްއިން އާދިއްތަ ދުވަހުގެރޭ ބޭއްވި ޓައުން ހޯލު ޖަލްސާގައި އެ ޕާޓީގެ ސެނެޓަރ އަބްދުއްލަތީފު މުހައްމަދު ވަނީ ވާނުވާ ބަންދާ ގުޅިގެން ބާރަށު ދާއިރާގެ ޝުޖާއު ރައީސް ޔާމީނަށް ރައްދުކޮށް ދެއްކި ވާހަކަތަކަށް އަލި އަޅުވާލާ ސުވާލެއް ރައީސް ޔާމީނަށް އަމާޒުކުރައްވާފައެވެ. އެގޮތުން އޭނާއަށް ލިބިހުރި މައލޫމާތުގެ އަލީގައި ލަތީފު ވިދާޅުވީ ރައީސް ޔާމީންގެ ޒައާމަތުގައި ވާނުވާ ބަންދު ނުޖަހާ ކަމަށާ އެކަން ހުއްޓުމުކަށް ގެނެސްފައި އޮތް ކަމަށެވެ. އެހެންކަމުން އެކަމުގެ ތަފްސީލު ދެއްވާ ރައްޔިތުންނަށް އެކަން ސާފުކޮށްދިނުމަށް ލަތީފު ރައީސް ޔާމީން އަރިހު އެދުމުން ޖަވާބު ދެއްވަމުން ރައީސް ޔާމީން ވިދާޅުވީ، ޝުޖާއަކީ ބަސް ބުނުމުގެ ކުރިން ރިޝްވަތު ނަގާ މީހެއް ކަމަށާ ބަސް ބުނުމަށް ފަހު ވެސް ރިޝްވަތު ނަގާ މީހެއް ކަމަށެވެ.

ފަސް މިނެޓުގެ ވާހަކަ ޝުޖާއު ދައްކާއިރު އެމަނިކުފާނު ތާސް ކުޅުއްވަން އިންނަވައިގެން ގައުމަށް ލިބުނު ގެއްލުމެއް ނެތްކަން ފާހަގަކުރައްވާ އެމަނިކުފާނު މިސާލު ދެއްކެވީ "ޗައިނާ-މޯލްޑިވްސް ފްރެންޝިޕް" ބުރިޖުންނެވެ.

އެމަނިކުފާނު ވިދާޅުވީ ގޮތުގައި އެއީ ތާސް ކުޅެން އިންނަވައިގެން ފަސް މިނެޓުން ގެނައި ތަރައްގީ ކަމަށާ އަދި ތާސް ކުލެން އިންނެވި ވަގުތު ކޮޅުވެސް ތަރައްގީއަށް ހޭދަކުރެވުނު ނަމަ ހޯދާ ނުފެނުނީސް ކަމަށެވެ.

ރައީސް ޔާމީން ވިދާޅުވީ، އެ މަނިކުފާނުގެ ވެރިކަމުގައި ވާނުވާ މުއްދަތު ޖަހަން ކޯޓަށް ނުވަންނަ ކަމަށާ ވާނުވާ މައްސަލަ މިފަހަކުން ބަހުސަކަށް ވެގެން އުޅޭތީ ކްރިމިނަލް ކޯޓުގެ ކުރީގެ އިސް ގާޒީއަކު ވެސް ގުޅުއްވައި އެ މަނިކުފާނުގެ ވެރިކަމުގައި ވާނުވާ ބަންދު ނުޖަހާ ކަމަށް ވިދާޅުވި ކަމަށް ޔާމީން ވިދާޅުވިއެވެ. އަދި ރައީސް ޔާމީން ދެން ވެސް ވިދާޅުވީ އެއީ "ފަސް މިނެޓުން ކުރެވޭނެ ކަމެއް" ކަމަށެވެ.

ރައީސް ޔާމީން ވިދާޅުވީ ގައުމައިގެން އެމަނިކުފަނު އުޅުއްވިއިރު ޝުޖާއު އުޅުނީ އަދީބުއާ ގުޅިގެން ގައުމުގައި އޮތް ގާނޫނީ ވެރިކަމެއްގެ ނިމުން ގެންނަން ކަމަށެވެ.

ރައީސް ޔާމީން ވިދާޅުވީ މީހުންގެ ވާހަކަ ޝުޖާއު ދައްކާއިރު ތިމާގެ ފަސްފަހަތް ވެސް އޮތް ގޮތް ބަލާލަން ވާނެ ކަމަށެވެ.