މިހާރު ހިނގަމުންދާ މަޖިލީހުގެ ދައުރު ނޮވެމްބަރަސް ހަމަވި ނަމަވެސް މިނިވަން މުއައްސަސާތަކުގެ ހައްގުގައި ބިލުތަކެއް ހުށަހަޅާ މަސައްކަތްކޮށްދެއްވުމަސް އިލެކްޝަންސް ކޮމިޝަންގެ ރައީސް ފުއާދު ތައުފީގު މަޖިލީހުގެ މިނިވަން މުއައްސަސާތަކާ ބެހޭ ކޮމިޓީގައި އެދިވަޑައިގެންފިއެވެ.

ފުއާދު މިގޮތަށް ވިދާޅުވީ، ރައްޔިތުންގެ މަޖިލިސް އިންތިހާބު ފަސްކުރުމާ މެދު މިދިޔަ ހަފްތާގައި ހިނގި ކަންކަމާ ގުޅޭ ގޮތުން އިލެކްޝަންސް ކޮމިޝަންގެ މެންބަރުން މިއަދު މަޖިލީހުގެ މިނިވަން މުއައްސަސާތަކާ ބެހޭ ކޮމިޓީއަށް ހާޒިރުކުރުމުންނެވެ.

ފުއާދު ވިދާޅުވީ ފިއްތުންތައް ކުރިމަތިކޮށް އިލެކްޝަންސް ކޮމިޝަން (އީސީ)ގެ ރައީސް ކަމުގެ ކަމުގެ މަގާމުން އޭނާ ވަކިކޮށް އެއްލައިލަން، ނިމިދިޔަ ރިޔާސީ ދައުރުގެ ތެރޭޣައި އެމްޑީޕީއިން އުޅުނު ކަމަށާ އެގޮތުން ރައީސް އިބްރާޙިމު މުހައްމަދު ސޯލިހުއާ ރައީސް މުހައްމަދު ނަޝީދުގެ ދެމެދުގައި އުފެދުނު ޚިޔާލު ތަފާތުވުންތަކުގެ ތެރެއިންޑިމޮކްރެޓްސް އުފެއްދުމުގެ ކަންކަން ކުރިއަށް ދިޔައިރު އެމްޑީޕީއިން އުޅުނު ކަމަށެވެ.

ފުއާދު ވިދާޅުވީ މިނިވަން މުއައްސަސާއެއްގައި ހުންނަވާއިރު އެއްވެސް ސިޔާސީ ޕާޓީއަކަށް ތާއީދު ނުކުރެވުނު ނަމަވެސް އޭނާގެ ހަށިގަޑުގެ އެތެރެ ކޮނެ ބަލައިފިނަމަވެސް އެމްޑީޕީ ނޫން އެއްޗެއް ނުފެންނާނެ ކަމަށެވެ. އެހެންކަމުން ހަށީގަނޑޫގެ އެއްބައި ކަމުގައި ދެކެމުން އައި އެމްޑީޕީއިން އޭނާއާ މެދު ކަންކުރި ގޮތް ހަނދާން އެބަހުރި ކަމަށްވެސް ފުއާދު ވިދާޅުވިއެވެ.

ފުއާދު ވިދާޅުވީ، ކޮމިޝަނުގެ ތިން މެމްބަރަކު އޭނާއާ ދެކޮޅަށް މަސައްކަތް ކުރައްވައި، މަގާމުން ވަކިކުރަން އޭރު އުޅުނީ އެމްޑީޕީ އަޑީގައި އޮވެެގެންނެވެ.

އެމްޑީޕީ ސަރުކާރެއްކަމުގައި ވިޔަސް ޕީޕީއެމް ސަރުކާރެއް ކަމަށް ވިޔަސް، އެއްވެސް ސަރުކާރެއްގެ ބިރު ދެއްކުމަކަށް އިންޒާރަކަށް ބަލައިގެން އެއްވެސް ގާނޫނަކާ ގަވައިދަކާ ހިލާފަށް ކަމެއް ކޮށްފައި ނޯންނާނެ ކަމަށް ފުއާދު ވިދާޅުވިއެވެ.

ފުއާދު ވިދާޅުވީ އެންމެ ބޮޑު މައްސަލައަކީ މިނިވަން މުވައްސަސާތަކަށް ހިމާޔަތް ނެތުން ކަމަށާއި ނޮވެމްބަރުގައި ދައުރު ހަމަވިނަމަވެސް، ދެން ތިއްބެވި މިނިވަން މުއައްސަސާތަކުގެ މެންބަރުންނަޓަކައި އެކަން ކޮށްދެއްވުމަށް ފުއާދު އެދިވަޑައިގެންނެވިއެވެ.