Muizzuge masverikamaa gulhey policy vanee fail vefai: Maleeh

ރައީސް ޑރ. މުހައްމަދު މުއިއްޒުގެ މަސްވެރިކަމާގުޅޭ ޕޮލިސީ ވަނީ ފެއިލްވެފައި ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

އެކްސްގައި ކުރެއްވި ޕޯސްޓެއްގައި މަލީހު ވިދާޅުވީ، މަސްވެރިކަމަކީ ރާއްޖޭގެ ގިނަ އާއިލާތަކަށް އާމްދަނީ ލިބޭ ހަމައެކަނި ގޮތްކަމަށެވެ. ނަމަވެސް މިއަދު ގިނަ މަސްވެރިން ތިބީ ދަރަނިވެރިވެފައިކަމަށްވެސް މަލީހު ފާހަގަކުރެއްވިއެވެ.

Fishing is bread & butter for many Maldivian families. Muizz's fisheries policy has failed. Many fishermen are in debt. The whole industry is on the brink of collapse. I hope today's protest is a wake up call for the government. pic.twitter.com/sn3Or1RQ4V
— Mohamed Maleeh Jamal (@maleehjamal) December 10, 2025

މިއަދު ބޮޑު ކަންނެލި މަސްވެެރިންގެ ޔޫނިއަނުން ވަނީ އެމީހުންގެ ހައްގުތަކަށް ގޮވާލާ މުޒާހަރާއަށް ހުޅުމާލެ ޖެޓީ ސަރަހައްދަށް އެއްވެފައިއެވެ.

މި އިޖުތިޖާޖުގައި މަސްވެރިން އަންނަނީ ތިން ކަމަކަށް ސަރުކާރަށް ޑިމާންޑުކުރަމުންނެވެ. އެގޮތުން ސަރުކާރުގެ މަސް ކުންފުނި، މިފްކޯއަށް ބޮޑު ކަންނެލި ގަންނަން ފެށުމަށާއި ކަންނެލި ގަނެވޭނެ އެންމެ ދަށް އަގަކީ 80ރ. އާއި 100ރ. އާ ދެމެދު ކަމަށް ކަނޑައެޅުމުގެ އިތުރުން ބޭސް ރޭޓުގައި މަސްވެރިންނަށް ތެލާއި އައިސް ލިބޭނެ ގޮތް ހަދައިދިނުމަށް އިހުތިޖާޖުގައި މަސްވެރިން އަންނަނީ ގޮވަމުންނެވެ.

މިކަމާގުޅިގެން މަލީހު ވިދާޅުވީ، މުޅި ސިނާއަތް އޮތީ ފުނޑުފުނޑުވުމުގެ މަގުމަތީގައިކަމަށެވެ. އަދި މިއަދުގެ މުޒާހަރާއަކީ ސަރުކާރަށް ހޭލުންތެރިކުރުމެއް ކަމަށް އުންމީދު ކުރާކަމަށްވެސް މަލީހު ވިދާޅުވިއެވެ.