China Ge Emme Bodu Drone Carrier "Jiutiun" Kaamiyaabee Aai Eku Furathama Udhuhun Furihama Kohfi

ޗައިނާއިން އެއްފަހަރާ ގިނަ އަދަދެއްގެ ޑްރޯން ފޮނުވާލެވޭ ބޮޑު އާ ޑްރޯން ކެރިއާއެއް ކަމަށްވާ "ޖިއުޓިއަން" ގެ ފުރަތަމަ ޓެސްޓް ފްލައިޓް ކާމިޔާބީއާއެކު ނިންމާލައިފި އެވެ. ރިޕޯޓްތައް ބުނާ ގޮތުގައި މިއީ މިހާތަނަށް އުފެއްދި އެންމެ ބޮޑު ޑްރޯން "މަދަރޝިޕް" އެވެ.

އޮފިޝަލުން ހާމަކުރައްވާ ގޮތުގައި ޖިއުޓިއަން އަށް 6 ޓަނުގެ ހަތިޔާރާއި ސާމާނު ގެންދެވޭނެ އެވެ. މީގެ ތެރޭގައި ބޮމާއި، ވައިގެ މަގުން އުދުހޭ މިސައިލްތަކާއި، އުޅަނދުފަހަރަށް ހަމަލާދޭ މިސައިލްތަކުގެ އިތުރުން 100 އަށް ވުރެ ގިނަ ކަމިކާޒޭ ޑްރޯން ހިމެނެ އެވެ. ކަމިކާޒޭ ޑްރޯންތަކަކީ އަމާޒުތަކަށް ވެއްޓި ގޮވާގޮތަށް ޚާއްސަކޮށް ފަރުމާކުރެވިފައިވާ ޑްރޯންތަކެކެވެ.

މި ބޯޓު (މަދަރޝިޕް) އަކީ އަސްކަރީ އޮޕަރޭޝަންތަކުގައި ޑްރޯންތަކުގެ ބޮޑެތި އަދަދުތައް (ސްވަރމްސް) ދޫކޮށްލުމަށް ހަދާފައިވާ އުޅަނދެކެވެ. މި ޑްރޯންތަކުން ދުޝްމަނުންގެ ނިޒާމުތަކަށް ހަމަލާދީ، ޖާސޫސްކޮށް، ނުވަތަ އެމީހުންގެ ސިގްނަލްތައް ޖޭމްކުރުމުގެ ގާބިލްކަން ލިބިފައިވެ އެވެ. ތަޖުރިބާކާރުން ބުނާ ގޮތުގައި މިއީ ކުރިއަށް އޮތް ވައިގެ ހަނގުރާމައިގެ ދާއިރާގައި ޗައިނާއަށް ވަރުގަދަ ކުރިއެރުމެއް ލިބިދާނެ ކަމެކެވެ.

JUST IN:

China has carried out the first flight of Jiutian, the world's largest drone mothership, which can launch swarms of drones.

It can carry up to 6 tons of payload, including bombs, air-to-air missiles, anti-ship missiles and more than 100 kamikaze drones. pic.twitter.com/c1zgtTUhMQ
— Current Report (@Currentreport1) December 12, 2025

މި ކާމިޔާބު ޓެސްޓް ފްލައިޓުން ދައްކުވައިދެނީ ޗައިނާއިން އެ ގައުމުގެ އަސްކަރީ ޓެކްނޮލޮޖީ ހަލުވިކަމާއެކު ކުރިއަރަމުންދާ މަންޒަރެވެ. ދުނިޔޭގެ ގައުމުތަކުން މިކަން ގާތުން ބަލަމުންދަނީ، ޑްރޯން ސްވަރމްތަކަކީ އަންނަ ޖީލުގެ ހަނގުރާމައިގެ މުހިންމު ބައެއްގެ ގޮތުގައި ބެލެވޭތީ އެވެ.

ޑިފެންސް އެނަލިސްޓުން ގަބޫލުކުރާ ގޮތުގައި ޖިއުޓިއަން އަށް ހާއްސަކޮށް ކަނޑުގެ ސަރަހައްދުތަކުގައި ނުވަތަ ބޯޑަރު ސަރަހައްދުތަކުގައި ހަނގުރާމަތައް ކުރާ ގޮތް ބަދަލުކޮށްލުމުގެ ގާބިލްކަން ލިބިފައިވެ އެވެ. މި ބޮޑު މަދަރޝިޕް ފުރިހަމައަށް އަސްކަރީ ބޭނުންތަކަށް ނެރެވުމުގެ ކުރިން އިތުރު ޓެސްޓްތަކެއް ހަދާނެ ކަމަށް ބެލެވެ އެވެ.