ގައުމުގައި އޮތް ގޯސް ވެރިކަމެއް ބަދަލުވެ ރައޔްިތުންނަށް ނަފާވަނިވި ވެރިކަމެއް ފެށުނުކަމުގެ އިހުސާސު ރައްޔިތުންނަށް ނުވާ ކަމަށް، ޕީޕަލްސް ނެޝަނަލް ޕްރންޓް (ޕީއެންއެފް) އުފެއްދުމުގައި އިސްކޮށް އުޅުއްވާ ކުރިގެ ކޮމިޝަނަރ އޮފް ޕޮލިސް ހުސެއިން ވަހީދު ވިދާޅުވެއްޖެއެވެ.
ހުސެއިން މިފަދައިން ވިދާޅުވީ، ރައީސް ޔާމީންގެ ތާއީދާއެކު މަޖިލިސް އިންތިހާބަށް ނުކުންނަ ކެންޑިޑޭޓުންގެ ސިޔާސަތުތައް ހާމަކުރުމަށް ބާއްވަމުން ގެންދާ ސިލްސިލާ ޖަލްސާތަކުގެ ތެރެއިން އާދިއްތަ ދުވަހުގެ ރޭ އޮތް ޖަލްސާގައި ކެންޑިޑޭޓަކަށް އަމާޒުކުރެއްވި ސުވާލެއްގައި ދެއްކެވި ވާހަކައިގައެވެ.
އެގޮތުން ސީޕީ ހުސެއިން ވަނީ ހަގީގަތުގައިވެސް ސަރުކާރު ބަދަލުވެއްޖެތޯ އައްސަވާ އެ ކެންޑިޑޭޓަށް ސުވާލެއް އަމާޒުކުރައްވާފައެވެ. ހުސެއިން ވިދާޅުވީ އޭނާ އެ ސުވާލު ކުރަން ޖެހުނީ ސަބަބާ ހުރެ ކަމަށާ އއެގޮތުން ނުބައިވެރިކަމެއް ނިމި ހެޔޮ ވެރިކަމެއް ފެށުނުކަމަށް ބުނަމުން ގެންދާއިރު އަދިވެސް ރައްޔިތުންގެ މޫނު މަތިން ފެންނަމުން ދަނީ މާޔޫސްކަން ކަމަށް ހުސެއިން ފާހަގަކުރެއްވިއެވެ.
ރައްޔިތުން ވެރިކަން ބަދަލުކުރަން ނުކުެ އެދުނީ ދެތިން ހަތަރު ކަމެއް. އެއީ އިންޑިއާ ސިފައިން ބޭލުމާ ގތް ނޭނގޭ އެއްބަސްޗުންތައް ހާމަކުރުމުގެ އިތުރުން ކަނޑޫން ގެއްލުނު ބައި ހޯދުމާ އެކު ރައީސް ޔާމީން މިނިވަންކުރުން، މިއިން އެއްވެސް ކަމެއް މިދަނީ ނުވެ. މިކަމާ ހުރެ ރައްޔިތުން މިތިބީ ސަރުކާރަށް އިތުބާރު ގެއްލުވާލައިގެން.
ކުރީގެ ސީޕީ ހުސެއިން
ސުވާލު އަމާޒުވި ކެންޑީޑޭޓު ވިދާޅުވީ، ވެރިކަން ބަދަލުވެއްޖެ ކަމަށާ ނަމަވެސް ސިޔާސަތުތައް ބަދަލުނުވެ ދިގު ދެމިގެންދާކަމަށް އޭނާ ވެސް ގަބޫލުކުރާ ކަމަށެވެ. އެހެންކަމުން އެކަންކަން ހައްލުކުރަން މަޖިލީހުގެ ތެރެއިން ރައީސް ޔާމީންގެ ކެންޑިޑޭޓުންނަށް ފުރުސަތު ދިނުމުގެ މުހިއްމުކަން އޭނާ ފާހަގަކުރެއްވިއެވެ.
