ކުއްލިއަކަށް ވިޔާފާރިވެރިންމަތިން ރައީސް މުހައްމަދު މުއިއްޒު ހަނދާންވީ "ރިސެޓް" ވާތީކަމަށް ޕީއެންއެފްގެ ސެކެޓްރީ ޖެނެރަލް މުހައްމަދު މަލީހު ޖަމާލް ވިދާޅުވެއްްޖެއެވެ.

ޕީއެންއެފްގެ އެންމެ ބޮޑު އެއް އިވެންޓުކަމަށްވާ ރީސެޓް ބޭއްވުމަށް ބުދަ ދުވަހުގެ ރޭ ހަމަޖެހިފައިވާއިރު މިކަމާ ދިމާކޮށް ރައީސް މުއިއްޒު ބުދަ ދުވަހުގެ ރޭ ވިޔަފާރިވެރިންނާ ބައްދަލުކުރަން ވަނީ ނިންމާފައެވެ.

އެކްސްގައި ކުރި ޕޯސްޓެއްގައި މަލީހު ވަނީ ރައީސް މުއިއްޒަކީ ވިޔަފާރިވެރިންނާ އެންމެ ބީރައްޓެހި ވެރިޔާކަމަށް ވިދާޅުވެފައެވެ.

މިއީ ވިޔަފާރިތަކާއި އެންމެ ބީރައްޓެހި ސަރުކާރުކަމަށާއި 2 އަހަރު ވިއިރު ވިޔަފާރިތައް ކުރިއަރުވަން ކުރި ކަމެއް ނެތްކަމަށް މަލީހު ވިދާޅުވިއެވެ.

މަލީހު ވިދާޅުވީ ވިޔަފާރިތަކަށް ބޭންކް ބަންދުކަމަށާއި ބޭންކު ރޭޓުގައި ޑޮލަރު ނުލިބޭކަމަށެވެ. ޓެކްސްވީ ބޮޑުކަމަށާއި ލޭބަރ ކޮސްޓްވީ މަތިކަމަށް ވެސް މަލީހު ވިދާޅުވެފައިވެއެވެ.

ކުއްލިއަކަށް ވިޔަފާރިވެރިން މަތިން ހަދާންވީ ރީސެޓް ވާތީކަމަށް ވިދާޅުވެ މަލީހު ވަނީ ސަރުކާރަށް ފާޑުކިޔުން އަމާޒުކޮށްފައެވެ.