ރާއްޖޭގެ ހުރިހާ ރަށެއްގައި ވެސް ކައުންސިލް އިމާރާތްތައް އެޅުމަށް ސަރުކާރުން ހަވާލުކޮށްފައިވާއިރު ހިރިމަރަދޫ ރައްޔިތުން ހަނިމާދޫއަށް ބަދަލުކުރަން ނިންމިއިރު އެ ރަށު ގައި ކައުންސިލް އިމާރާތް ގާއިމުކުރުމުގެ ބޭނުމަކީ ކޮބައިތޯ ޕީއެންއެފްެގެ ސެކެޓްރީ ޖެނެރެަލް މުހައްމަދު މަލީހު ޖަމާލް ސުވާލު އުފައްދަވައިފިއެވެ.
ރައީސް މުހައްމަދު މުއިއްޒު ވަނީ ހިރިމަރަދޫ މީހުން ހަނިމާދުއަށް ބަދަލުކުރަން ގަރާރު ނެރުއްވައިފައެވެ.
މިކަމާ ގުޅިގެން އެކްސްގައި ކުރި ޕޯސްޓެއްްގައި މަލީހު ވިދާޅޫވީ މީހުން ދިރިނޫޅޭ ރަށެއްްގައި ކައުންސިލް އިމާރާތް އެޅުމުގެ ބޭނުމެއް ނެތްކަމަށެވެ.
ކައުންސިލް އިމާރާތްތައް އަޅަން ބިޑުކުރުމަކާ ނުލައި ހަވާލުކޮށްގެން ސަރުކާރުން ކޮރަޕްޝަން ހިންގާކަމަށް ވެސް މަލީހު ތުހުމަތުކުރައްވާފައިވެއެވެ.
ކައުންސިލް އިމާރާތުގެ އިތުރުން ސަރުކާރުން އެ ރަށުގައި 4.1 މިލިއަން ރުފިޔާއަށް "ވޭސްޓް އެންޑް ރިސޯސް މެނޭޖްމަންޓް ސެންޓަރެއް" އަޅަން ދިނީ މިދިޔަ މަހުގެ ހަވަނަ ދުވަހެވެ.
މިފަދައިން ކަންތައް ކުރެއްވީ އެ ރަށުގައި މީހުން ދިރިއުޅޭހާ ހިނދަކު އަސާސީ ޚިދުމަތް ގާއިމްކުރާނެކަމަށް ބުނެއެވެ.
ސަރުކާރުން ބޮޑެތި ޕްރޮޖެކްޓްތައް ހަވާލުކޮށްފައި ރަށުން މީހުން ބޭލުމަށް ގަޜާރު ނެރުމުން މަލީހުގެ އިތުރުންވެސް ގިނަ ބަޔަކު އަންނަނީ ފާޑުކިޔުންތައް އަމާޒުކުރަމުންނެވެ.
