ސިޔާސީ ޕާޓީތަކުން ވަގުތުން ވަކިވެވޭ ގޮތް ހަދައިފިއެވެ.
ސިޔާސީ ޕާޓީތަކަށް ރަޖިސްޓަރީވުމަށާއި ޕާޓީން ވަކިވުމުގެ ހުރިހާ ކަންކަން އިތުރަށް ލުއިފަސޭހަކޮށް، އަވަސް ކުރުމުގެ ގޮތުން އިލެކްޝަން ކޮމިޝަނުން ވަނީ މިއަދުން ފެށިގެން ބަދަލުތަކެއް ގެނެސްފައެވެ. އެ ބަދަލުތަކުގެ ތެރޭގައި:
މި ކަންކަމަށް މިއަދު (01 ޖަނަވަރީ 2026)އިން ފެށިގެން އަމަލުވެސް ކުރާނެ ކަމަށް އީސީއިން މައުލޫމާތުދީފައިވެއެވެ.
ސިޔާސީ ޕާޓީއަކުން، އެ ޕާޓީގެ މެމްބަރަކު، ޕާޓީގެ ދަފްތަރުން އުނިކުރުމަށް ބޭނުންވެއްޖެ ހާލަތެއްގައި، ސިޔާސީ ޕާޓީއަށް ދެވިފައިވާ ސިމެދަ ޕޯޓަލްގެ ލޮގިން މެދުވެރިކޮށް ޕާޓީން ވަކިކުރުމަށް ރިކުއެސްޓުކުރުމުން ޕާޓީން ވަކިވާނެ ކަމަށްވެސް އީސީއިން ހާމަކޮށްފައިވެއެވެ.
މީގެ އިތުރުން ސިޔާސީ ޕާޓީގެ މެންބަރުންގެ ގޮތުގައި ދަފުތަރުކުރުމަށް މައި ޕޯޓަލް މެދުވެރިކޮށް ހުށަހަޅާ ރިކުއެސްޓް ޕާޓީން ޕްރޮސެސްކުރުމަށް އެ ޕާޓީތަކަށް 30 ދުވަހުގެ މުއްދަތެއް ދިނުމާއި، އަދި މި މުއްދަތު ހަމަވާއިރު، ރިކުއެސްޓް ޕާޓީން ޕްރޮސެސްކޮށްފައި ނުވާނަމަ، އެފަރާތެއް ޕާޓީގައި ރަޖިސްޓަރީ ވާނެ ކަމަށެވެ. އަދި ސިޔާސީ ޕާޓީގެ ދަފުތަރުން ވަކިވުމަށް މައި ޕޯޓަލް މެދުވެރިކޮށް ހުށަހަޅާ ފަރާތްތަކުން ރިކުއެސްޓް ކުރުމުން، ވަގުތުން ވަކިވާނެ ގޮތަށް ބަދަލުގެނެވިފައިވާ ކަމަށް އީސީން ވިދާޅުވިއެވެ.
އީސީން ބުނެފައިވާ ގޮތުގައި، މި ބަދަލު ގެނެސްފައިވީ ނަމަވެސް އެ ކޮމިޝަނުގައި ދަފްތަރުކުރެވިފައިވާ ސިޔާސީ ޕާޓީތަކުގެ އިސްމަޤާމުތަކުގައި ތިއްބަވާ މެންބަރުން ޕާޓީއިން ވަކިވާނަމަ ނުވަތަ އެހެން ޕާޓީއަކަށް ރަޖިސްޓަރީކުރާނަމަ، މި ކޮމިޝަނުގައި ދަފުތަރުކުރެވިފައިވާ ސިޔާސީ ޕާޓީގެ އިސްމަގާމުން ވަކިވުމަށް ހުށަހަޅަންވާނެ ކަމަަށެވެ.
