އެމެރިކާގެ ރައީސް ޑޮނަލްޑް ޓްރަމްޕް، އިންޑިއާގެ ވައިގެ ސިފައިންނަށް ޕާކިސްތާނާ ދެކޮޅަށް ކުރި ކުރިމަތިލުންތަކުގައި ލިބުނު ނާކާމިޔާބީގެ ވާހަކަ ދައްކަވައި، އަނެއްކާވެސް އެ ގައުމަށް ވަރަށް ބޮޑަށް މަލާމާތް ކުރައްވައިފިއެވެ.

ޓްރަމްޕްގެ ވާހަކަފުޅުގައި ބޮޑަށް އަލިއަޅުއްވާލެއްވީ ޕާކިސްތާނާ އެކު ހިނގި ހަމަނުޖެހުންތަކެއްގެ ތެރޭގައި އިންޑިއާގެ ވައިގެ ސިފައިންގެ 8 ޖެޓެއް ގެއްލިގެން ދިޔަ ހާދިސާއަށެވެ. މިއީ އިންޑިއާގެ އަސްކަރީ ގާބިލުކަމާ މެދު ސުވާލު އުފައްދައި، އެ ގައުމު ނިކަމެތި ކޮށްލުމުގެ ގޮތުން ޓްރަމްޕް ތަކުރާރުކޮށް ދައްކަވަމުން ގެންދަވާ ވާހަކައެކެވެ.

މައުލޫމާތު ލިބޭ ގޮތުގައި، މިއީ އިންޑިއާގެ މި ނާކާމިޔާބީގެ ވާހަކަ ޓްރަމްޕް އާންމުކޮށް އެންމެންގެ ތެރޭގައި ހަނދާންކޮށްދެއްވި 70 ވަނަ ފަހަރަށް ވުރެ ގިނަ ފަހަރެވެ. ކޮންމެ ފަހަރަކުވެސް މަލާމާތުގެ ރާގަކަށް މި ވާހަކަ ދައްކަވަމުން ގެންދަވާއިރު، މިއީ މިހާރު ޓްރަމްޕްގެ ތަގުރީރުތަކުގައި "އާންމު ކަމަކަށް" ނުވަތަ "ނިއު ނޯމަލް" އަކަށް ވަނީ ވެފައެވެ.

ސިޔާސީ ދިރާސާކުރާ ފަރާތްތަކުން ފާހަގަކުރާ ގޮތުގައި، ދުނިޔޭގެ އެއްވެސް ލީޑަރަކު އިންޑިއާ މިހާ ބޮޑަށް ނިކަމެތިކޮށް، އެ ގައުމުގެ އަސްކަރީ ދަށްކަން ހާމަކޮށް މަލާމާތް ނުކުރާ މިންވަރަށް ޓްރަމްޕް ގެންދަވަނީ އެކަން ކުރައްވަމުންނެވެ. އިންޑިއާ އާއި ޕާކިސްތާނުގެ ގުޅުމާ ބެހޭ ގޮތުން ވާހަކަ ދައްކަވާއިރު، ޓްރަމްޕް އަބަދުވެސް ބޮޑަށް ބުރަވަނީ އިންޑިއާގެ ބަލިފައިތައް ހާމަކުރުމަށެވެ.

މި ހާދިސާއަކީ އިންޑިއާގެ އަސްކަރިއްޔާއަށް ކުރިމަތިވި ވަރަށް ބޮޑު ލަދެއްގެ ގޮތުގައި ޓްރަމްޕް ސިފަކުރައްވާއިރު، މިކަމުގެ ސަބަބުން ބައިނަލްއަގުވާމީ މައިދާނުގައި އިންޑިއާއަށް ވަނީ ނުތަނަވަސްކަމާ ކުރިމަތިލާން ޖެހިފައެވެ. މިފަދަ މަލާމާތްތަކުގެ ސަބަބުން އިންޑިއާގެ ސަރުކާރަށް ވެސް ވަނީ ބޮޑެތި ފާޑުކިޔުންތަކެއް އަމާޒުވެފައެވެ.