ގައުމަށް ދިމާވެފައިވާ ހާލަތެއް ބަދަލުކުރުމަކީ ސިޔާސީ މީހުންގެ ޒިންމާއެއް ކަމަށް އެމަނިކުފާނު ދެކިވަޑައިނުގަންނަވާ ކަމަށް، ޕީއެންއެފްގެ ރައީސް، ރައީސް އަބްދުﷲ ޔާމީން ވިދާޅުވެއްޖެއެވެ.

ޕީއެންއެފްގެ ޓައުން ހޯލް ޖަލްސާއެއްގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، ރައީސުލްޖުމްހޫރިއްޔާއާ ހޯމް މިނިސްޓަރުމެން ފަދަ މީހުންނަކީ ސިޔާސީ މީހުން ކަމަށާ ރައްޔިތުންނަކީ ސިޔާސީ ބައެއް ނޫން ކަމަށެވެ.

އެ ރައްޔިތުންނަކީ ދައުލަތުގެ ފަރާތުން ހައްގުތަކަކާ ހިމާޔަތްތަކެއް ލިބިގެންވާ ރައްކާތެރިކުރަން ޖެހޭ ބައެއް ކަމަށް ވެސް ރައީސް ޔާމީން ވިދާޅުވިއެވެ. ރައީސް ޔާމީން ވިދާޅުވީ ނަމަވެސް ދައުލަތަކީ އޭރެއްގައި ހުންނަ ރައީސުލްޖުމްހޫރިއްޔާއެއް ނޫން ކަމަށާ ރައްޔިތުންނަށް ރައްކާތެރިކަމާ ހައްގުތައް ކަށަވަރުކޮށްދޭން ޖެހޭ މުއައްސަސާތައް ހުންނާނެ ކަމަށެވެ.

އެގޮތުން ފުލުހުންގެ އިދާރާއަކީވެސް އޭގެ މުއައްސަސާއެއް ކަމަށާ ފުލުހުންގެ ތެރެއިން ހިނގާ ބޭއިންސާފާ މެދު އެ މީހުން ގިސްލާނެކަމަށް ބުނަމުންދާއިރު، ހާލަތު ބަދަލުކުރުމަކީ ސިޔާސީ މީހުންގެ ޒިންމާއެއް ކަމަށް އެމަނިކުފާނު ދެކިވަޑައިނުގަންނަވާ ކަމަށެވެ.

ގާނޫނުތަކަކީ އެންމެން ތަބާވާ ކަމެއް ކަމަށާ ފުލުހުންގެ އިދާރާގެ ތެރެއިން ވެސް އެކަންކަމަށާ މަސައްކަތްކުރަން ޖެހޭ ކަމަށް ރައީސް ޔާމީން ވިދާޅުވިއެވެ. ރައްޔިތުންގެ އިތުބާރާ ލޯބި ހޯދަން ބޭނުންނަމަ އެ މުއައްސަސާއަކުން ތެދު ބަސްބުނަން ޖެހޭ ކަމަށެވެ. ރައްޔިތުންނަކީ ވެސް އެ ދައުރު އަދާކުރަން ޖެހޭ ކަމަށް އެމަނިކުފާނު ވިދާޅުވިއެވެ.

ރައީސް ޔާމީން ވިދާޅުވީ މުއައްސަސާތަކުގެ އެތޭރެ ތަހުގީގުތަކުގެ ތެރެއަށް ރައްޔިތުންގެ މަޖިލިސް ވަނުންވެސް އެމަނިކުފާނަށް ބަލައިނުގަނެވޭ ކަމަށެވެ.