އިންޑިއާގެ ވެސްޓް ބެންގާލް ސްޓޭޓުން ނިޕާހް ވައިރަސް ފެނި، ބަލި ފެތުރެން ފަށާފައިވާތީ އެ ސަރަހައްދުގައި ކަންބޮޑުވުން އުފެދިއްޖެއެވެ.
މިހާތަނަށް ލިބިފައިވާ މައުލޫމާތަށް ބަލާއިރު، ވެސްޓް ބެންގާލުން މިހާރު ވަނީ މި ބަލީގެ ފަސް ވޭދަނައެއް ފެނިފައެވެ. މީގެ ތެރޭގައި ހިމެނެނީ ނޯތު 24 ޕަރްގަނާސް ޑިސްޓްރިކްޓްގެ ބަރަސްތުގެ އަމިއްލަ ހޮސްޕިޓަލެއްގައި މަސައްކަތް ކުރާ ފިރިހެން ނަރުހަކާއި އަންހެން ނަރުހެކެވެ. މި ދެ މީހުންގެ ހާލު ސީރިއަސްވެ، މިހާރު ފަރުވާ ދެމުން ދަނީ އައިސީޔޫގައެވެ.
މީގެ އިތުރުން، ބެލެގަޓާގެ އިންފެކްޝަސް ޑިޒީޒް ހޮސްޕިޓަލްގައި އެޑްމިޓްކޮށްގެން ފަރުވާ ދެމުން އަންނަ ތިން މީހަކުވެސް ވަނީ މި ބައްޔަށް ފައްސިވެފައެވެ. އެއީ ޑޮކްޓަރަކާއި، ނަރުހެއްގެ އިތުރުން ސިއްހީ ހިދުމަތްތެރިއެކެވެ. މިދިޔަ ހޯމަ ދުވަހު އެ ސްޓޭޓުން ފުރަތަމަ މީހާ ފައްސިވުމާ ގުޅިގެން، ރައްކާތެރިކަމުގެ ފިޔަވަޅެއްގެ ގޮތުން ސަރުކާރުން ވަނީ ބައްޔަށް ޝައްކުކުރެވޭ 100 އެއްހާ މީހުން ކަރަންޓީނުކޮށްފައެވެ.
ނިޕާހް ވައިރަސް (NiV) އަކީ ޖަނަވާރުންގެ ފަރާތުން އިންސާނުންގެ ގަޔަށް އަރާ "ޒޫނޮޓިކް" ވައިރަހެކެވެ. މިއީ އާންމުކޮށް ވާލުގެ ޒަރީއާއިން ފެތުރޭ ނުރައްކާތެރި ބައްޔެކެވެ. އަދި ބަލި ޖެހިފައިވާ މީހެއްގެ ފަރާތުން ނުވަތަ ބަލި ޖެހިފައިވާ އޫރު ފަދަ ޖަނަވާރުންގެ ފަރާތުންވެސް މި ބަލި އިންސާނުންނަށް ފެތުރެއެވެ.
ބަލީގެ އަލާމާތްތައް:
ބަލިން ސަލާމަތްވުމަށް ކުރެވިދާނެ ކަންކަން:
މި ބައްޔަށް ވަކި ހާއްސަ ވެކްސިނެއް ނުވަތަ ފަރުވާއެއް އަދި ހޯދިފައި ނުވާއިރު، މިއީ މަރުވުމުގެ ފުރުސަތު ބޮޑު ނުރައްކާތެރި ބައްޔެއްކަމަށް ސިއްހީ މާހިރުން އިންޒާރު ދެއެވެ.
