ކުރީ ސަރުކާރުގެ ނިންމުންތަކާއި އެއްގޮަތައް ކުރިޔަށް ގެންދާނަން ކަމަށް ވައުދުވެ ވެރިކަމަށް ވަޑައިގަތުމަށްފަހު ރައީސް މުއިއްޒުގެ ރާގު ބަދަލުވެ ސިވިލް ސާވަންޓުންގެ މުސާރަ ބޮޑު ނުކުރުމަށް ރައީސް މުއިއްޒު ނިންމަވައިފިއެވެ.

1 ޖެނުއަރީ 2024 އިން ފެށިގެން، ސަރުކާރުގައި މަސައްކަތް ކުރާ ހުރިހާ ފަރާތްތަކެއްގެ މުސާރަ ބޮޑުކުރުމަށް، ރައީސް އިބްރާހިމް މުހައްމަދު ޞާލިހް ވި ވައުދާއި އެއްގޮތަށް، ރައީސް މުއިއްޒު ވަނީ މުސާރަ ބޮޑު ކޮށްދޭނެ ކަމުގެ ޔަގީންކަން ކެމްޕެއިން ތެރޭގައި ރައްޔިތުންނަށް ދެއްވާފައެވެ.

ރައީސް ޞާލިހް ވިދާޅުވެފައިވަނީ ޖެނުއަރީ އެކަކުން ފެށިގެން 44،200 އަށް ވުރެ ގިނަ މުއައްޒަފުންގެ މުސާރަ އަށް ހެޔޮ ބަދަލު ގެންނާނެ ކަމަށެވެ.

މިކަމަށްޓަކައި އެމްޑީޕީގެ މެޖޯރިޓި އޮތް ރައްޔިތުންގެ މަޖިލީހުން ވަނީ، ސިވިލް ސާވިސްގެ ހުރިހާ މުއައްޒަފުންނަށް މުސާރަ ބޮޑު ކޮށްދިނުމަށްޓަކައި 500 މިލިއަން ރުފިޔާ މިއަހަރަށް ބަޖެޓް ކޮށް ދީފައެވެ.

އެންމެ އާދައިގެ ސިވިލް ސާވެންޓަށްވެސް، ކުޑަ ވެގެން އިތުރު ކުރާނެ ކަމަށް ރައީސް ޞާލިހް ވައުދުވެ ވަޑައިގެންނެވިއެވެ.

މިސާލު ދެއްވަމުން، އެމްއެންޑިއެފްގެ ސްޓާފް ސާޖެންޓެއްގެ މުސާރައަށް މިހާރު ލިބެނީ 20،00ރ ކަމަށާއި، މި ބަދަލާއި އެކު އެއިން ކޮންމެ މުއައްޒަފަކަށް 28،000ރ ލިބޭނެ ކަމަށް ރައީސް ޞާލިހް ވައުދުވެ ވަޑައިގަތުމުން، ދެވަނަ ބުރުގައި އެވައުދު ދަމަހައްޓާނެ ކަމަށް ރައީސް މުއިއްޒު ވަނީ، ކެމްޕެއިން ތެރޭ ވިދާޅުވެފައެވެ.

މުސާރަ ބޮޑު ނުކުރުމުގެ އިތުރުން ރައީސް މުއިއްޒު ވަނީ އެމަނިކުފާނުގެ ބައިވަރު ވައުދުތަކާއި ޚިލާފްވެފައެވެ.