ރިޔާސީ ބަޔާން އިއްވި އިރު ކުރިން ދައްކާފައިވާ އެތައް ވާހަކައެއްގެ އަދާހަމަ ދެއްވާފައިނުވާތީ ޕީއެންއެފްގެ ނައިބު ރައީސް ޑރ.މުހައްމަދު ޖަމީލް އަހުމަދު ފާޑުކިޔުން އަމާޒުކުރައްވައިފިއެވެ.
ޑރ.ޖަމީލް މިފަދައިން ވިދާޅުވެފައި ވަނީ އެކްްސްގައި ކުރި ޕޯސްޓެއްގައެވެ.
ޖަމީލް ވިދާޅުވީ ރިޔާސީ ބަޔާނަކީ ގައުމުގެ ޙާލަތު ބަޔާންކޮށް އަދި ޙާލަތު ރަނގަޅުކުރުމަށްޓަކައި ރައީސަކު އަޅުއްވާނެ ފިޔަވު ބަޔާންކުރާ ދުސްތޫރީ ޒިއްމާއެއް އުފުލަންޖެހޭ ވަގުތެއްކަމަށެވެ.
އެހެންނަމަވެސް ރައީސް މުއިއްޒު ތަކުރާރުކޮށް އާވާހަކަތައް ދައްކަވާފަ ކުރިން ވިދާޅުވި ކަންތަކުގެ އަޕްޑޭޓެއް ނުދެއްވުމަކީ ޒިއްމާއަށް އިހްމާލުވުންކަމަށް ޑރ.ޖަމީލް ވިދާޅުވިއެވެ.
ބުރާސްފަތި ދުވަހު އިއްވެވި ރިޔާސީ ބަޔާނުގައި ރައީސް މުއިއްޒު ވަނީ އައު އެތައް ވައުދެެއް ވެފައެވެ.
އެގޮތުން 2030 ވަނަ އަހަރުން ފެށިގެން ކޮންމެެ ރައްޔިތެއްގެ އކައުންޓަށް 400 އެމެރިކާ ޑޮލަރު ޖަމާވާނެކަމަށް ވެސް ވިދާޅުވިއެވެ.
އަދި ހޯމް ސްކޫލިންގ އާއި އެހެނިހެން ކަންކަން ވެސް ފަށަން ތައްޔާރުވެފައިވާކަމަށް ވިދާޅުވެފައެވެ.
ރިޔާސީ ބަޔާނުގައި ގިނައީ ކުރަން އުޅުއްވާ ކަންކަން ކަމަށް ބުނެ އިދިކޮޅުން ވެސް އަންނަނީ ފާޑުކިޔުން އަމާޒުކުރަމުންނެވެ.
