ރާއްޖޭގެ އެކި ހިސާބުތަކަށް ދުންފުހުގެ އަސަރު މިހާރު ކުޑަވެފައިވާ ކަމަށް މޫސުމާ ބެހޭ ގައުމީ އިދާރާ (މެޓް) އިން ހާމަކޮށްފިއެވެ.
މެޓު އޮފީހުން ހާމަކޮށްފައިވާ ގޮތުގައި މި ވަގުތު ރާއްޖޭގައި ހުރިހާ ސަރަހައްދަކަށް ވެސް ދުންފަހުގެ އަސަރު ވަނީ ވަރަށް ބޮޑުތަނުން ދަށްވެފައެވެ. އެގޮތުން އުތުރުގެ އަތޮޅުތަކަށް ވެސް ދުންފުހުގެ އަސަރު ދަށްވެފައިވާ ކަމަށް މައުލޫމާތު ލިބިފައިވެއެވެ.
މާލެ ސަރަހައްދުގައި މިހާރު ދުރު ފެންނަ މިންވަރު ހުރީ ހަ ކިލޯ މީޓަރުގައި ކަމަށް ވެއެވެ. ދުންފުހުގެ އަސަރު ދަަށްވެފައިވާ ކަމަށާއި، އަދި ކުރިއަށް އޮތް ދުވަސްތަކުގައި މިއަށްވުރެއް ރަނގަޅުވާނެ ކަމަށް ލަފާ ކުރެވޭ ކަމަށް މެޓުން ހާމަކޮށްފައިވެއެވެ.
މީގެ ދުވަސްކޮޅެއް ކުރިން ރާއްޖޭގެ އުތުރުން އިންޑިއާ ސަރަހައްދުން އަންނަ ދުންފުހުގެ އަސަރު ބޮޑުވެ ސިއްހަތަށް ނުރައްކާވާ މިންވަރަަކަށް ގޮސްފައިވެއެވެ. އެގޮތުން ސިއްހީ އިދާރާތަކުން ރެޑް އެލާޓު ނެރެ ބޭރަށް ނުކުތުން ވެސް ޒަރޫރީ ނޫނިއްޔާ ނުނިކިތުމަށް އިލްތިމާސްކޮށް ޒަރޫރީ ބޭނުމަކަށް ނުކުންނަ ނަމަވެސް މާސްކު އަޅައިގެން ނުކުތުމަށްވެސް އިލްތިމާސްކޮށްފައިވެއެވެ.
