އީރާނުގެ އާ ލީޑަރު އާޔަތުﷲ މުޖްތަބާ ޚާމަނާއީއަށް އެއްްވެސް ހަމަލާއެއް ދިނުމާ ދެކޮޅު ކަމަށް ޗައިނާއިން ބުނެފިއެވެ.
ޗައިނާއިން މިހެން ބުނީ މީގެ ހަފްތާއަކަށް ވުރެ ގިނަ ދުވަސް ކުރިން އެމެރިކާ އާއި އިސްރާއީލުން އީރާނަށް ދިން ފުރަތަމަ ހަމަލާތަކުގައި އަވަހާރަވި ކުރީގެ ރޫހީ ލީޑަރު އާޔަތުﷲ އަލީ ޚާމަނާއީ އަށް ފަހު އެ މަގާމަށް އަންނަ ކޮންމެ މީހަކަށް އަމާޒުކޮށްދޭނެ ހަމަލާ ދޭނެ ކަމުގެ އިންޒާރު އިސްރާއީލާއި އެމެރިކާގެ އަސްކަރިއްޔާއިން ދީފައިވާ ދަނޑިވަޅެއްގައެވެ.
ޚާމަނާއީ އަވަހާރަވުމާ ގުޅިގެން އިސްރާއީލުން އެ ގައުމުގެ އާ ލީޑަރެއްގެ ގޮތުގައި ކަނޑައެޅީ ޚާމަނާއީގެ ދެވަނަ ފިރިހެން ދަރިކަލުން މުޖްތަބާ ޚާމަނާއީއެވެ.
ޗައިނާގެ ފޮރިން މިނިސްޓްރީގެ ތަރުޖަމާނު ގުއޯ ޖިއާކުން ހޯމަ ދުވަހު ނޫސްވެރިންނާ ވާހަކަ ދައްކަވަމުން ވިދާޅުވީ ޒުވާން މުޖްތަަބާ މި މަގާމަށް އައްޔަން ކުރަން އީރާނުން ނިންމީ އެގައުމުގެ ގާނޫނުއަސާސީގެ މައްޗަށް ބިނާކޮށް ކަމަށެވެ.
