ރައްޔިތުންގެ މަޖިލީހުގެ އިންތިހާބުގައި ފެނުމުގެ ނުކުޅެދުންތެރިކަން ހުންނަ މީހުން މީހެއްގެ އެހީއާ ނުލައި ވޯޓުލެވޭނެ އިންތިޒާމު ހަމަޖެއްސުމަށްޓަކައި އެމީހުން ވޯޓުލުމަށް ރަޖިސްޓްރީ ވުމުގެ ފުރުސަތު އިލެކްޝަން ކޮމިޝަން (އީސީ) އިން ދެ ފަހަރެއްގެ މަތިން ހުޅުވާލުމުން ރަޖިސްޓްރީވީ 60 މީހުން ކަމަށް އެކޮމިޝަންގެ ނައިބު ރައީސް ވިދާޅުވެއްޖެެއެވެ.
ރައްޔިތުންގެ މަޖިލީހުގެ އިންތިހާބުގައި ފެނުމުގެ ނުކުޅެދުންތެރިކަން ހުންނަ މީހުން، މީހެއްގެ އެހީއާ ނުލައި ވޯޓުލެވޭނެ އިންތިޒާމު ހަމަޖެއްސުމަށް، އެމީހުން ވޯޓުލުމަށް ރަޖިސްޓްރީ ވުމުގެ ފުރުސަތު އިލެކްޝަން ކޮމިޝަން (އީސީ) އިން ދެ ފަހަރެއްގެ މަތިން ހުޅުވާލުމުން ރަޖިސްޓްރީވީ 60 މީހުން ކަމަށް އެކޮމިޝަނުން ބުނެފިއެވެ.
ހޯމަ ދުވަހުގެ ރޭ ދައުލަތުގެ މީޑިޔާގެ ޕްރޮގްރާމެއްގައި ވާހަކަދައްކަވަމުން، އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް ވިދާޅުވީ 60 މީހުން ރަޖިސްޓަރ ވީ ތަންތަނަށް މިހާރު އޮފިޝަލުން ތަމްރީންކޮށް ނިންމާފައިވާ ކަމަށެވެ.
ހަބީބު ވިދާޅުވީ އެހީއާ ނުލައި ވޯޓުލުމަށް، އެފަދަ މީހުންނަށް ފުރުސަތު ލިބިގެން ދިޔުމަކީ ވަރަށް ރަނގަޅު ކަމެއް ކަމަށާއި ބޭނުންވާ ކެންޑިޑޭޓަކަށް ވޯޓްލި ކަމުގެ ހިތްހަމަޖެހުން އެމީހުންނަށް ލިބިގެންދާނެ ކަމަށެވެ.
ޕްރޮގްރާމުގައި ވާހަކަ ދައްކަވަމުން ހަބީބު ވިދާޅުވީ އިންތިޚާބު ފަސް ވިޔަސް އިލެކްޝަންސް ކޮމިޝަންގެ މަސައްކަތަށް މާބޮޑު ބުރަކަމެއް ނާންނާނެ ކަމަށެވެ. މަސައްކަތްތައް ތަރުތީބު ކުރަމުންދިޔައީ ދެވަނަ ވިސްނުމެއް ވެސް ބާއްވައިގެން ކަމަށް ވެސް ވިދާޅުވިއެވެ.
