އަންގާރަ ދުވަހުގެ މެންދުރު 1:30އާ ހަމައަށް ރާއްޖެއިން ބޭރުން ރައްޔިތުންގެ މަޖިލީހުގެ އިންތިޚާބަށް ރީ-ރަޖިސްޓްރީ ކުރި މީހުންގެ އަދަދަކީ 656 ކަމަށް އިލެކްޝަންސް ކޮމިޝަން (އީސީ)އިން ހާމަކޮށްފިއެވެ.

އީސީއިން ހާމަކޮށްފައިވާ ތަފާސް ހިސާބުތަކުން ހާމަވާ ގޮތުގައި:

• އިންޑިއާ/ޓްރިވެންޑްރަމް - 24 މީހުން

• މެލޭޝިޔާ/ކުއަލަލަމްޕޫރް - 385 މީހުން

• ސްރީލަންކާ/ކޮލަންބޯ - 206 މީހުން

• ތައިލެންޑް/ބެންކޮކޮށް - 4 މީހުން

• އިނގިރޭސިވިލާތް/ލަންޑަން - 31 މީހުން

• އެކުވެރި އަރަބި އިމާރާތް - 6 މީހުން ރީ-ރެޖިސްޓަރ ކޮށްފައިވެއެވެ.

މިމަހުގެ 16 ވަނަ ދުވަހުގެ ނިޔަލަށް ރީ-ރެޖިސްޓްރީ ވާން ފުރުސަތު އީސީއިން ހުޅުވާލާފައިވެއެވެ.

ރީ-ރަޖިސްޓްރީ ކުރަން ޖެހޭނީ މީގެ ކުރިން ވޯޓުލާން ރަޖިސްޓްރީ ކުރި ތަން ނޫން އެހެން ތަނެއްގައި ވޯޓުލާނަމައެވެ. އޮންލައިންކޮށް ވެސް ރީ-ރެޖިސްޓަރ ކުރެވޭނެ އިންތިޒާމުވެސް ވަނި ހަމަޖައްސާފައެވެ.

އީސީއިން ކަނޑައަޅާފައިވާ ގޮތުން ވޯޓުފޮށި ބަހައްޓާނީ 150 އަށްވުރެ ގިނަ މީހުން ރީ ރަޖިސްޓްރިވާ ގައުމުތަކުގައި އެކަނިއެވެ.

އަދި ރިސޯޓުތަކުގައި ވޯޓު ފޮށި ބަހައްޓާނީ 30 އަށްވުރެ ގިނަ އަދަދަކަށް ރީރަޖިސްޓްރީވާ ރިސޯޓުތަކުގައި އެކަނިކަމަށްވެސް އީސީން ވަނީ ބުނެފައެވެ.

ހަބީބު ވިދާޅުވީ ރީރެޖިސްޓްރޭޝަންއަށް ފަހު، ކުރިން ވޯޓުފޮށިތައް ނުބެހެއްޓުނު ތަންތަނުގައި ވޯޓު ފޮށިތައް ބެހެއްޓުމުގެ ފުރުސަތު އެބަ އޮތް ކަމަށެވެ.