އިލެކްޝަންސް ކޮމިޝަންގެ ތަރުޖަމާނަކަށް އެކޮމިޝަންގެ ސެކެޓްރީ ޖެނެރަލްގެ މަގާމުގައި ހުންނެވި ހަސަން ޒަކަރިއްޔާ އައްޔަންކޮށްފިއެވެ.
ހަސަން ޒަކަރިއްޔާ އެމަގާމަށް ހަމަޖައްސާފައިވަނީ، ކުރިން އެ މަގާމު ފުރުއްވި އެ ކޮމިޝަންގެ ނައިބު ރައީސް އިސްމާއިލް ހަބީބް މެމްބަރު ކަމުގެ ދެ ދައުރު ފުރިހަމަކުރައްވައި ރިޓަޔާ ކުރެއްވުމާއި ގުޅިގެންކަން ފާހަގަކޮށްލެވެއެވެ.
އީސީން އެކްސްގައި ކުރެއްވި ޕޯސްޓެއްގައި ބުނެފައިވަނީ އިލެކްޝަންސް ކޮމިޝަނުގެ ގަވައިދު ގެ 12 ވަނަ މާއްދާގެ (ހ) ގެ ދަށުން، ކޮމިޝަނުގެ މަސައްކަތްތަކާ ގުޅޭގޮތުން، މީޑިއާއަށް މަޢުލޫމާތު ދެއްވާނީ ކޮމިޝަނުގެ ސެކްރެޓަރީ ޖެނެރަލް ޙަސަން ޒަކަރިއްޔާ ކަމުގައި، ކޮމިޝަނުގެ 820 ވަނަ ޢާންމު ޖަލްސާގައި ނިންމާފައިވާ ކަމަށެވެ.
ރައީސް ވަނީ ޒަކަރިއެްޔާ އެ ކޮމިޝަންގެ ނައިބަކަށް ހަމަޖެއްސުމަށް ކުރިން ނަންވެސް ފޮނުވާފައެވެ.
