ފޭރުމުގެ ތިން ހާދިސާއަކާ ގުޅިގެން ދެ މީހަކު ހައްޔަރަށް ނަގައިފިއެވެ.

ފުލުހުންގެ ހިދުމަތުން ބުނި ގޮތުގައި އޭގެ ތެރެއިން އެއް ހާދިސާގައި މާލޭގެ ކެފޭއެއްގެ ތެރެއަށް ވަދެ، އެތަނުގައި މަސައްކަތް ކުރަމުންދާ މުވައްޒަފަކަށް ބިރުދައްކާ ފައިސާތަކެއް ފޭރެން އުޅެފައިވެއެވެ. އޭގެ އިތުރުން ކަޓަރަކުން ބިރު ދެއްކުމުގެ މައްސަލައެއް ވެސް ހިމެނެއެވެ.

ފުލުހުން ބުނެފައިވަނީ މީގެ ތެރޭގައި ހިމެނޭ ކަޓަރުން ބިރު ދެއްކުމުގެ މައްސަލައިގައި ހައްޔަރު ކޮށްފައިވަނީ، 17 އަހަރުގެ ކުއްޖެއްގެ މޯބައިލް ފޯނު ފޭރުގަތްކަމުގެ ތުހުމަތުގައި 41 އަހަރުގެ ދިވެހި ފިރިހެނެކެވެ.

ކުރިމިނަލް ކޯޓުންވަނީ އޭނާގެ ބަންދަށް 15 ދުވަސް ޖަހާފައެވެ.

ފޭރުމުގެ ދެވަނަ މައްސަލާގައި ހައްޔަރު ކުރީ 43 އަހަރުގެ ދިވެހި ފިރިހެނެކެވެ. އޭނާ ހައްޔަރު ކޮށްގައިވަނީ ބިދޭސީއެއްގެ ފޭރުމުގެ ތުހުމަތުގައެވެ. އޭނާގެ ބަންދަށްވެސް ވަނި 15 ދުވަސް ޖަހާފައެވެ.

އޭގެ އިތުރުން މާލޭގެ ކެފޭއެއްގެ ތެރެއަށް ވަދެ އެތަނުގައި މަސައްކަތް ކުރަމުންދިޔަ މީހުންނަށް ބިރު ދެއްކި މައްސަލައެއްގައިވެސް 26 އަހަރުގެ ދިވެހި ފިރިހެނަކު ހައްޔަރު ކޮށްފައިވެއެވެ. އެމީހާގެ ބަންދަށް ޖަހައިދީފައިވަނީ 10 ދުވަހެވެ.