ކަައުންސިލްތައް ބާރުވެރިކުރުވުމަށް މި ސަރުކާރުން، އެ ކައުންސިލްތަކަށް ފައިސާ ދޭން ނިންމާފައިވާ ނިންމުމަކީ ރައީސުލްޖުމްހޫރިއްޔާ ދިރާސާތައް ނުކުރައްވާ ނިންމަވާފައިވާ ނިންމެވުމަށް ކަމަށް ފެންނަ މަންޒަރުތަކުން ހާމަވާ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވީ ދަ ފްރޮންޓު އޮފީހުގައި އޮތް ޖަލްސާއެއްގެ ތެރެއިން ވާހަކަފުޅު ދައްކަވަމުްނނެވެ.

ކައުންސިލްތައް ބާރުވެރިކޮށް އެ ކައުންސިލްތަކަށް އަމިއްލަ ބާރުވެރިކަން ދޫކުރުމަކީ އެމަނިކުފާނު ވެސް ތާއީދު ކުރާ ކަމެއް ކަމަށާ، ކައުންސިލްތަކަށް ދޫކުރަން ވިދާޅުވާ ފައިސާއަކީ ކީއްކުރަން ކިހިނެއް ހަރަދުކުރަން ޖެހޭ ފައިސާއެއް ކަމެއް ވިދާޅުވެވެން ޖެހޭނެ ކަމަށްވެސް ރައީސް ޔާމީން ވިދާޅުވިއެވެ.

ރައީސް ޔާމީން އިތުރަށް ވިދާޅުވީ، ކައުންސިލްތައް ބާރުވެރިކުރުވުމަކީ އަބަދުވެސް އެމަނިކުފާނު ތާއީދުކުރައްވާ ތަރުހީބު ދެއްވާ ކަމެއް ކަމަށެވެ.