ރޯދަމަހު މާލެ ސަރަހައްދުގައި ވެކްސިންދޭ ގަޑިތަކަށް ބަދަލު ގެނެސްފިއެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ބުނީ މާލެ ސަރަހައްދުގެ 7 ތަނެއްގައި ވެކްސިން ދިނުމުގެ ހަރަކާތް ކުރިއަށްދާނެ ކަމަށެވެ.

އެގޮތުން އެ ސަރަހައްދުތަކާ، ގަޑިތައް ވެސް އެޗްޕީއޭ އިން ވަނީ އާންމުކޮށްފައެވެ.

އެޗްޕީއޭއިން ބުނީ، މާލެ ސަރަހައްދުގައި ވެކްސިން ދިނުމުގެ ހަރަކާތް ކުރިއަށްދާނީ އޭޑީކޭ ހޮސްޕިޓަލް، ދަމަނަވެށި، މެޑިކާ، ހުޅުމާލޭ ހޮސްޕިޓަލް، ހުޅުމާލޭ ފޭސް 2 ގެ ޖީޕީ ކްލިނިކް، ޓްރީޓޮޕްގެ އިތުރުން ވިލިމާލޭ ހޮސްޕިޓަލްގައި ކަމަށެވެ.

ރޯދަމަހު ވެކްސިންދޭ ގަޑިތައް:

- ދަމަނަވެށި - ބަންދުނޫން ކޮންމެ ދުވަހަކު 09:00 އިން 13:00 އަށް
- އޭޑީކޭ ހޮސްޕިޓަލް - ހުކުރު ފިޔަވައި ކޮންމެ ދުވަހެއްގެ 10:30 އިން 13:30 އަށް
- ހުޅުމާލެ ހޮސްޕިޓަލް - އާދީތަ ހޯމަ، އަންގާރަ ދުވަހު 9:30 އިން 12:00 އަށް
- ޖީޕީ ކްލިނިކް/ހުޅުމާލެ ފޭސް 2 - އާދީއްތަ ބުދަ، ހޮނިހިރު ދުވަހު 09:30 އިން 12:00 އަށް
- މެޑިކާ - ހޮނިހިރު، ބުދަ ދުވަހު 08:00 އިން 12:00 އަށް
- ޓްރީޓޮޕް ހޮސްޕިޓަލް - ހުކުރު ނޫން ކޮންމެ ދުވަހަކު 10:00 އިން 15:00 އަށް
- ވިލިމާލެ ހޮސްޕިޓަލް - އާދިއްތަ، ބުދަ ދުވަހު 9:00 އިން 15:00 އަށް