އަންނަ މަހު ބާއްވާ ރައްޔިތުންގެ މަޖިލީހުގެ އިންތިހާބުގައި ރާއްޖެ އާއި ރާއްޖެއިން ބޭރުގައި 602 ވޯޓު ފޮށި ބަހައްޓާނެ ކަމަށް އިލެކްޝަންސް ކޮމިޝަން (އީސީ) ން ބުނެފިއެވެ.

މަޖިލީސް އިންތިހާބުގެ ރީ-ރެޖިސްޓްރޭޝަނަށް މިދިޔަ ހޮނިހިރު ދުވަހުގެ ނިޔަލަށް ހަމަވިއިރު މިއަދު އީސީން ވަނީ ރާއްޖެއާ ރާއްޖެއިން ބޭރުގައި ވޯޓު ފޮށި ބަހައްޓާ އަދަދުތައް ހާމަކޮށްފައެވެ.

މިގޮތުން ޖުމްލަ 602 ވޯޓު ފޮށި ބަހައްޓާއިރު، މާލޭގައި 181 އަދި ހުޅުމާލޭގައި 51 ވޯޓު ފޮށި ބަހައްޓައެވެ.

އަދި ވިލިމާލޭގައި 9 ވޯޓު ފޮށި ބަހައްޓާއިރު، އަތޮޅު ތެރޭގެ ރަށްތަކުގައި 319 ވޯޓު ފޮއްޓެއް ބަހައްޓައެވެ.

ޖަލުތަކުގައި ފަސް ވޯޓު ފޮއްޓެއް ބަހަަައްޓާއިރު، ރިސޯޓްތަކުގައި 34 ވޯޓު ފޮއްޓެއް ބަހައްޓާނެކަމަށް އީސީން ވަނީ އާންމުކޮށްފައެވެ.

އޭގެ އިތުރުން ރާއްޖެއިން ބޭރުގައި ތިން ވޯޓު ފޮއްޓެއް ބަހައްޓައެވެ.