ޕީއެންއެފަށް ތާއީދުކުރާ ފަރާތްތަކާ އަދި އެމްޑީޕީއަށް ތާއީދުކުރާ ފަރާތްތަކުން ގުޅިގެން ކުރިއަށް ގެންދިޔަ މަގުމަތީ ހަރަކާތުގެ ތެރެއިން ފުލުހުން "ހައްޔަރު" ކުރި "ލޯފާ" ދޫކޮށްލައިފިއެވެ.
މައުލޫމާތު ލިބިފައިވާ ގޮތުގައި "ލޯފާ" ފުލުހުންގެ ހައްޔަރުން ދޫކޮށްލީ، ބުދަ ދުވަހުގެ ރޭ މެންދަމުން އަލިވެ 2:00 ގައެވެ. "ލޯފާ" މިހާރު އޭގެ ވެރިފަރާތް ކަމަށްވާ، ޕީއެންއެފްގެ ސަޕޯޓަރުންނާ ވަނީ ހަވާލުކޮށްފައެވެ.
"ލޯފާ" ފުލުހުންނަށް ގެންދެވުނީ ތިން ފަހަރު އެ ގެންދަން މަސައްކަތް ކުރި ފަހުންނެވެ.
ރައީސް އަބްދުﷲ ޔާމީންގެ ޕާޓީއަށް ތާއިދުކުރާ ފަރާތްތަކުން މި ފަހަކަށް އައިސް ކުރިއަށް ގެންދާ މަގުމަތީ ހަރަކާތުގައި، "ލޯފާ" ނެރުމަކީ އާންމު ކަމެކެވެ.
"ލޯފާ" ހައްޔަރުކޮށް ދޫކޮށްލާފައިވާއިރު، ޕީއެންއެފް ސަޕޯޓަރުންގެ ޕިކަޕަށް ވަނީ 15 ދުވަސް ޖަހާފައެވެ.
