ކުޅުދުއްފުށި ސިޓީ ކައުންސިލުން ލައިވްކުރަމުން ދިޔަ އެ ސިޓިގެ އީދު ކުޅިވަރުގައި ހިމެނޭ މަށިމާލި ފެރޭޑު ކުރިއަށް ދަނިކޮށް، ހޯމް މިނިސްޓަރު އަލީ އިހުސާނުއާ ރައީސް މުހައްމަދު މުއިއްޒުގެ ލަފާފުޅާ އިރުޝާދުގެ މަތިން ޕެރޭޑުގެ ލައިވް، ފުލުހުން އަންގައިގެން ކަނޑާލައިފި ކަމަށް މައުލޫމަތު ލިބިއްޖެއެވެ.
މިނޫހަށް މައުލޫމާތު ލިބިފައިވާ ފޮތުގައި އެ ސިޓީ ކައުންސިލުން ލައިވް ކުރަން ގެންގުޅުނު އާލާތްތައް އަތުލާ ވަނީ ލައިވް ކުރުމަށް ހުރަސް އަޅާފައެވެ.
މައުލޫމާތު ލިބިފައިވާ ގޮތުގައި، ކުޅުދުއްފުށި ސިޓީގައި ވަނީ ކޮންމެ އީދެއްގައިވެސް ބައްވާ މަށިމާލި ފެރޭޑު މިއަދު ހަވީރުގެ ވަގުތެއްގައި ބާއްވާފައެވެ. އެ ވަގުތު އެ ސިޓީ ކައުންސިލުން ގެންދިޔައީ ގިނަ އަދަދެއްގެ ރައްޔިތުންގެ އެދުމުގެ މަތިން އެ ޕެރޭޑު ކައުންސިލް ޔޫޓިއުބުން ލައިވް ވެސް ކުރަމުންނެވެ.
ޕެރޭޑު ފަށާ އިރުކޮޅެއް ފަހުން ފުލުހުން ވަނީ ޕެރޭޑު، ޔޫޓިއުބު މެދުވެރިކޮށް ލައިވް ކުރަމުން ދިޔަ ކުޅުދުއްފުށީ ސިޓީ ކައުންސިލްގެ މުވައްޒަފުންނަށް ހުރަސް އަޅާ އެ ފީޑު ވަގުތުން މެދުކަނޑާލުމަށް އަންގާފައެވެ. އަދި ފުލުހުން ވަނީ، އިހުސާނުއާ ރައީސް މުއިއްޒުގެ ޕްރެޝަރަށް، ލައިވް ކުރަމުން ދިޔަ ވަސީލަތްތައް އަތުލާ މުވައްޒަފުން އަދާ ކުރަމުން ދިޔަ އެމީހުންގެ ވަޒީފާގެ ޒިންމާއަށް ހުރަސް އަޅާފައެވެ.
މިކަމުގައި ކައުންސިލުން ދެން އަމަލު ކުރާނެ ގޮތް އަދި ނިންމާފައި ނުވާ ކަމަށްވެއެވެ.
