ލޯކަލް ކައުންސިލް އިންތިޚާބަށް ވޯޓު ހޯދުމަށް މުއިއްޒު މިހާރު ހދ އަތޮޅަށް ކުރައްވަމުން ގެންދަވާ ރަސްމީ ދަތުރުފުޅުގައި އަންގާރަ ދުވަހުގެ ރޭ ކުޅުދުއްފުށީ ސިޓީގެ މޭޔަރ މުހައްމަދު އާތިފް ދެެއްކެވި ވާހަކަ ރައީސް އޮފީހުގެ ވީޑިޔޯ އިން އުނިކޮށްފިއެވެ.

ޖަލްސާގައި އާތިފް ވަނީ ދާދިފަހުން ލާމަރުކަޒީ ގާނޫނަށް ސަރުކާރުން ގެނައި ބަދަލަކީ ކަންބޮޑުވާކަމެއްކަމަށް ފާހަގަކޮށް އަދި ތަރައްގީގެ ކަންކަމަށް ސަރުކާރުގެ ސަބަބުން އެޅެމުންދާ ހުރަސްތަކުގެ މައްޗަށް ވަރަށް ދިގުކޮށް ވާހަކަ ދައްކަވާފައެވެ.

އެވަގުތު އާތިފް ދެއްކެވި ވާހަކަ ދައުލަތުގެ މީޑިޔާއިންނާއި ރައީސް އޮފީހުގެ މީސްމީޑިޔާ އެކައުންޓުތަކުން ލައިވް ވެސް ކުރިއެވެ.

އެހެންނަމަވެސް މިހާރު ރައީސް އޮފީހުގެ ޔޫޓިއުބް ޗެނަލްގައި ހިމެނޭ ރޭގެ ޖަލްސާގެ ވީޑިއޯއިން މޭޔަރު އާތިފްގެ ވާހަކަ އެއްކޮށް ވަނީ އުނިކޮށްފައެވެ. 

ލާމަރުކަޒީ ގާނޫނަށް ސަރުކާރުން ގެނައި ބަދަލުތަކާއި ގުޅިގެން މުއިއްޒު ކޮންމެ ރަށަކަށް ވަޑައިގެންނެވާއިރު އެ ރަށްރަށުގެ ކައުންސިލްތަކުން އަންނަނީ ގާނޫނޫ އިސްލާހުކުރުމަށް ގޮވާލާ ހިތްހަމަނުޖެހުން ފާޅުކުރަމުންނެވެ.