އިތުރު ހަތަރު ބައި އިލެކްޝަންއެއް މި އަންނަ މަހުބާއްވަން ނިންމައިފިއެވެ.
މިކަމާ ގުޅިގެން މައުލޫމާތު ހިއްސާ ކުރަމުން އިލެކްޝަން ކޮމިޝަނުން ހާމަކޮށްފައިވާ ގޮތުގައި މި އަންނަ މަހުގެ 4 ވަނަ ދުވަހު ބާއްވަން ނިންމާފައިވަނީ ހއ. އުތީމު، ނ. ލަންދޫ، ވ. ފެލިދޫ ކައުންސިލްގެ މެންބަރު އަދި ރ. އިންނަމާދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބާއްވާ ބައި-އިލެކްޝަނެވެ.
އެ މަގާމުތަކަށް ކުރިމަތިލުމުގެ ފުރުސަތު 2024 މާރިޗު 20 ވާ ބުދަ ދުވަހުގެ 14:00 ން ފެށިގެން، 2024 އެޕްރީލް 04 ވާ ބުރާސްފަތި ދުވަހުގެ 13:00ގެ ނިޔަލަށް ވަނީ ހުޅުވާލައިފައެވެ.
އެޕްރިލް މަހަށް މި އިންތިހާބުތައް ތާވަލްކުރި އިރު މީގެ ކުރިން މި މަހު ބާއްވަން ނިންމާފައި އޮތް އިންތިހާބުތަކެއްވެސް ވަނީ އަންނަ މަހަށް ބަދަލުކޮށްފައެވެ.
އެގޮތުން އިންތިހާބުތަކާބެހޭ އާންމު ގާނޫނަށް ގެނައި 5 ވަނަ އިސްލާހާއި ގުޅިގެން އިންތިހާބުތައް މޭ މަހުގެ 4 ވަނަ ދުވަހަށް ފަސްކުރީ ހއ. ތަކަންދޫ ކައުންސިލްގެ އަންހެން މެންބަރުގެ އިންތިހާބާއި، ނ. ވެލިދޫ ކައުންސިލް މެންބަރުގެ އިންތިހާބުގެ އިތުރުން މ. މަޑުއްވަރީ ކައުންސިލް ރައީސްގެ އިންތިހާބެވެ.
