ހުއްޓުމެންނެތި އިސްރާއީލުން ފަލަސްތީނަށް ދެމުން އަންނަ ހަމަލާތަކަށް 100 ދުވަހަސް ވާން ކައިރި ވާއިރު ހަމަލާތަކެއް އެއްވެސް މަޑުޖެހުމެއް އައިސްފައިއެއް ނުވެއެވެ.
ފަލަސްތީނުގެ ރެޑް ކްރެސެންޓްގެ ސަލާމަތީ ފަރާތްތަކުން ދަނީ ޑެއިރް އެލް ބަލާހުގެ އަލް މަޝާޢުލާ ސަރަހައްދުގައި އިސްރާއީލުން ދިން ވައިގެ ހަމަލާއެއްގައި މަރުވި ނުވަ ފަލަސްތީނުގެ މީހުންގެ ހަށިގަނޑުތައް ސަލާމަތީ ކޭމްޕު ތަކަށް ގެންދިޔުމުގެ މަސައްކަތް ކުރަމުންނެވެ.
ރަފާހުގެ ގެއަކަށް އިސްރާއީލުން ދިން ހަމަލާއެއްގައި ތުއްތު ކުއްޖަކު ހިމެނޭ ގޮތަށް ފަލަސްތީނުގެ ނުވަ މީހަކު ވަނީ ޝަހީދުވެފައިއެވެ.
ޔޫއެންއާރުޑަބްލިއުއޭ އިން ރިޕޯޓްކުރާ ގޮތުގައި ވަށާލެވިފައިވާ ޣައްޒާގައި އެ ކުންފުނީގެ ފެސިލިޓީތަކުގައި ހިޔާވަހިކަން ހޯދަމުން ދަނިކޮށް މަދުވެގެން 330 މީހުން ވަނީ ޝަހީދުކޮށްލާފައިއެވެ.
އޮކްޓޯބަރު މަހުގެ ހަތް ވަނަ ދުވަހުން ފެށިގެން ޣައްޒާއަށް އިސްރާއީލުން ދިން ހަމަލާތަކުގައި މަދުވެގެން 23،469 މީހުން މަރުވެ، 59،604 އަށް ވުރެ ގިނަ މީހުން ޒަޚަމްވެފައިއެވެ.
