ގެއްލިގެން ހޯދަމުންދިޔަ މއ.ޕެރިހީލިއަން އަކްރަމް އަދީލް ސައީދު (25އ) ފެނިއްޖެ ކަމަށް ދިވެހި ފުލުހުންގެ ހިދުމަތުން ބުނެފިއެވެ.
އަކްރަމް ފެނިފައި ވަނީ ރޭގެ ވަގުތެއްގައި، ހުޅުމާލެއިން ކަމަށް ފުލުހުން ވަނީ ބުނެފައެވެ.
އަކްރަމްގެ ހަބަރެއް ނުވެގެން އޭނާގެ އާއިލާއިން ފުލުހުންނަށް ރިޕޯޓްކޮށްފައިވަނީ މި މަހުގެ 25 ވަނަ ދުވަހުގެ 19:22 ގައި ކަމަށް ފުލުހުން ވަނީ ބުނެފައެވެ.
އަކްރަމް އެންމެ ފަހުން ފެނިފައިވަނީ އެދުވަހުގެ މެންދުރު 13:15 ހާއިރު އޭނާ ދިރިއުޅެމުންގެންދާ ހުޅުމާލޭ ފޭސް 2 އެޗް 15 އިން ކަމަށް އަކްރަމްގެ އާއިލާއިން ވަނީ ފުލުހުންނަށް މައުލޫމާތު ދީފައެވެ.
