އިލެކްޝަންސް ކޮމިޝަން (އީސީ) ގެ މެންބަރު ކަމަށް އެ ކޮމިޝަންގެ ސެކްރަޓަރީ ޖެނެރަލްގެ މަގާމުގައި ހުންނެވި ހަސަން ޒަކަރިއްޔާ އައްޔަނުކުރަން ރައްޔިތުންގެ މަޖިލީހުން ފާސްކޮށްފިއެވެ.

ކޮމިޝަންގެ މެންބަރު ކަމަށް ޒަކަރިއްޔާ އައްޔަނު ކުރުމަށް ފެނޭތޯ މަޖިލީހުގައި ހޯމަ ދުވަހު ނެގި ވޯޓްގައި 39 މެންބަރުންގެ އިއްތިފާގުން ނިންމީ އޭނާ އެ މަގާމަށް އައްޔަނު ކުރަން ފެންނަ ކަމަށެވެ. 

އީސީއަށް މެމްބަރަކު އައްޔަނު ކުރަނީ އެ ކޮމިޝަންގެ ނައިބް ރައީސް، އިސްމާއިލް ހަބީބްގެ ދައުރުގެ ހަމަވުމުންނެވެ. 

އީސީގެ އެސްޖީގެ މަގާމަށް ހަސަން އައްޔަނުކޮށްފައި ވަނީ ޖޫން 10، 2021 ގައެވެ.