20 ވަނަ ރައްޔިތުންގެ މަޖިލިސް އިންތިޚާބްގައި ސަރުކާރު ހިންގާ މައި ޕާޓީ "ޕީއެންސީ" ގެ ފަރާތުން ވާދަކުރައްވާ ކެންޑިޑޭޓުންނަށް ތާއިދުނުކޮށް އަމިއްލަގޮތުން ވާދަކުރައްވާ ކެންޑިޑޭޓުންނަށް ސަރުކާރުން ތާއިދުކުރުމަކީ އެއްވެސް ހާލަތެއްގައި ހުދުމުހުތާރު ކަމެއް ނޫންކަމަށް ސަރުކާރު ކޯލިޝަންގެ ތަރުޖަމާނު ހީނާ ވަލީދު ވިދާޅުވެއްޖެއެވެ.

ހީނާ މިފަދައިން ވިދާޅުވީ އަންގާރަ ދުވަހު އެ ކޯލިޝަންގެ ފަރާތުން މަޖިލިސް އިންތިޚާބްގެ އަދާހަމަ ނޫސްވެރިންނާ ހަމަޔަށް ގެނެސްދިނުމަށްޓަކައި ބޭއްވުނު ނޫސްވެރިންގެ ބައްދަލުވުމުގައިއެވެ.

އެގޮތުން ޕީއެންސީ ޕްރައިމަރީ ކާމިޔާބު ކުރި ކެންޑިޑޭޓު ބާކީކޮށް އެހެން ކެންޑިޑޭޓުންނަށް ރައީސް ތާއީދު ކުރި ކުރުމާ ގުޅޭގޮތުން ނޫސްވެރިއެއް ކުރި ސުވާލަށް ޖަވާބު ދެމުން ހީނާ ވިދާޅުވީ ރައީސް މުއިއްޒު އެ މަސައްކަތް ކުރައްވަމުން ގެންދަވަނީ ރައްޔިތުންގެ ވިސްނުމުގައި ޕީޕީއެމް/ޕީއެންސީގެ ލީޑަޝިޕާ އެކުގައި ކަމަށެވެ.

އެ ކޯލިޝަންގެ ފަރާތުން ބޭއްވި ޕްރައިމަރީގައި ދެ ޕާޓީގެ އެތައް މެންބަރުންނެއް ވޯޓު ދީގެން ހޮވާފައި ތިބި ކެންޑިޑޭޓުން ބާކީކޮށް އެހެން މެންބަރުންނަށް ރައީސް ތާއީދު ކުރުން އެއީ އެއްވެސް މައްސަލައެއް ނޫންކަމަށް ހީނާގެ ވާހަކަތަކުން ވަނީ ދޭހަވެފައެވެ.

މިކަން މިހެން އޮތް އިރު ގިނަ ދާއިރާތަކުގައި ވަނީ މައްސަލަތައް ބޮޑުވެ ސަރުކާރާ މެދު ހިތްހަމަ ނުޖެހިފައެވެ.

ކަންކަން މިހެން ހުރި އިރު ސަރުކާރުގެ ކެންޑިޑޭޓުން ރައްޔިތުންނަށް ވަނީ އޮޅިފައެވެ.