ރައްޔިތުންނާ އެކު ރައީސް މުހައްމަދު މުއިއްޒު ބާއްވާ ބައްދަލުވުންތަކަށް ކުރިޔާލާ ސުވާލު ފޮނުވަން ނުޖެހޭކަމަށް ވިދާޅުވެ އެމަނިކުފާނުގެ ތަރުޖަމާނު ހީނާ ވަލީދު ދޮގު ހަދައިފިއެވެ.

ރައީސް މުއިއްޒު ރައްޔިތުންނަށް އޮޅުވާލުމުގެ ގޮތުން ބާއްވާ ބައްދަލުވުންތަކަށް ވަޑައިގަންނަވަނީ ކުރިޔާލާ އެ ބައްދަލުވުންތަކުގައި ރައްޔިތުން ކުރާނެ ސުވާލުތަށް އެ ދާއިރާގެ މެމްބަރުން ލައްވާ ހޯދައިގެންނެވެ.

މިކަން ރައްޔިތުން ފަޅައަރުވާލުމާއެކު ހީނާ އެކްސްގައި ކުރެއްވި ޕޯސްޓެއްގައި ވިދާޅުވީ އެއީ ދޮގެއްކަމަށެެވެ. ރައީސް މުއިއްޒު ކުރިޔާލާ ސުވާލު ނުހޯއްދަވާކަމަށް ވިދާޅުވެ ހީނާ ވަނީ ދޮގު ފޮރުވުމަށް މަސައްކަތް ކުރައްވާފައެވެ.

އެހެންނަމަވެސް އިތުބާރުހުރި ފަރާތްތަކުން "ތޭރައޮންލައިން" އަށް މައުލޫމާތު ދެމުން ބުނީ ހީނާ ހެއްދެވީ ބުހުތާނު ދޮގެއްކަމަށެވެ. ދާދިފަހުން މާލޭގެ މައްޗަންގޮޅި ރައްޔިތުންނާއެކު ބޭއްވި ބައްދަލުވުމުގައި ވެސް އެމަނިކުފާނު ކަންތައް ކުރެއްވީ އެފަދައިންކަމަށް ވެސް ވަނީ މައުލޫމާތު ލިބިފައެވެ.

ނަމަވެސް ދެތިން ފަރާތަކުން ވަނީ ފުރުސަތު ހޯއްދަވައި ރައީސް މުއިއްޒުގެ ސަރުކާރަށް ފާޑުވިދާޅުވެ ސުވާލުތަކެއް އަމާޒުކުރައްވާފައެވެ.

ރައްޔިތުން ކުރާ ސުވާލުތަކަށް ރައީސް މުއިއްޒުގެ އެއްްވެސް ޖަވާބެއް ނޯންނަކަން ވެސް ފާހަގަކޮށްލެވެއެވެ.